আজি বিশ্ব ভিটিলিগো দিৱস । ভিটিলিগো মানে ছালত পৰা বগা দাগ । ছালত মেলানিন (ছালৰ ৰঙৰ বাবে প্ৰয়োজনীয় শৰীৰৰ এবিধ উপাদান)ৰ অভাৱত ব্ৰণৰ সৃষ্টি হয় । যাৰ বাবে শৰীৰত বগা দাগ দেখা দিয়ে । এই বিষয়ে সমাজত অস্পৃশ্যতা বুলি বহুতো ভুল ধাৰণা আছে ।
ভিটিলিগো বিশেষজ্ঞসকলে কয় যে, জনসাধাৰণৰ মাজত থকা অন্ধবিশ্বাস দূৰ কৰিবলৈ এই দিৱস পালন কৰা হয় । আমাৰ উদ্দেশ্য হৈছে ভিটিলিগো এটা সাধাৰণ ছালৰ ৰোগ বুলি সমাজলৈ এই বাৰ্তা বিয়পাই দিয়া । অস্পৃশ্যতাৰ মাজেৰে ই বিয়পি নাযায় । একেলগে থাকি, খাই বা পান কৰিলে ই বিয়পি নাযায় । নতুবা সামাজিক সংযোগৰ জৰিয়তেও বিয়পি নাযায় । ইয়াৰ চিকিৎসাৰ বাবে আজিৰ তাৰিখত লেজাৰ, ফটোথেৰাপি আৰু মেলানোচাইট ট্ৰান্সপ্লাণ্ট অস্ত্ৰোপচাৰ আদি বহুতো আধুনিক পদ্ধতি উপলব্ধ । উপযুক্ত সময়ত উপযুক্ত চিকিৎসাৰ দ্বাৰা এই ৰোগ নিৰ্ণয় কৰা সম্ভৱ ।
ৰাইজৰ ভুল ধাৰণা আঁতৰাবলৈ প্ৰতি বছৰে ২৫ জুন তাৰিখে এই দিৱস পালন কৰা হয় । নেশ্যনেল ইনষ্টিটিউট অৱ হেল্থ (NIH)ৰৰিপৰ্ট অনুসৰি ভাৰতৰ ছালৰ ৰোগ চিকিৎসা ক্লিনিকত ভিটিলিগোৰ প্ৰাদুৰ্ভাৱ ০.২৫%ৰ পৰা ৪% আৰু গুজৰাট আৰু ৰাজস্থানত ৮.৮% পৰ্যন্ত ।
বিশ্ব ভিটিলিগো দিৱসৰ ইতিহাস:২০১১ চনত প্ৰথম ভিটিলিগো দিৱস পালন কৰা হয় আৰু তাৰ পিছৰ পৰা প্ৰতি বছৰে ২৫ জুন তাৰিখে সমগ্ৰ বিশ্বতে ইয়াক পালন কৰা হয় । ভিটিলিগো ফ্ৰেণ্ডছ নেটৱৰ্কৰ প্ৰতিষ্ঠাপক ষ্টিভেন হিৰাগাডেনে এই দিনটো ভিটিলিগো ৰোগীৰ বাবে উৎসৰ্গা কৰাৰ ধাৰণা লৈছিল । কিন্তু ইয়াক আৰু অধিক বিকশিত কৰিছিল নাইজেৰিয়ান ভিটিলিগো ৰোগী আৰু ভিটিলিগো ছাপৰ্ট এণ্ড এৱেৰনেছ ফাউণ্ডেশ্যন (ভিটিএছএএফ)ৰ প্ৰতিষ্ঠাপক আৰু কাৰ্যবাহী সঞ্চালক ওগো মাডুৱেছিয়ে । বিশ্ব ভিটিলিগো দিৱসৰ তাৰিখ মাইকেল জেকচনে বাছি লৈছিল কাৰণ তেওঁও এই বিৰল ছালৰ ৰোগত আক্ৰান্ত আছিল ।