প্ৰতিজন লোকৰ বাবে এক মৌলিক নীতি হিচােবে নিৰাপদ আৰু সুস্থ কৰ্ম পৰিৱেশৰ বিষয়ে সজাগতা বৃদ্ধিৰ বাবে প্ৰতি বছৰে ২৮ এপ্ৰিলত কৰ্মক্ষেত্ৰত নিৰাপত্তা তথা সুস্বাস্থ্য দিৱস পালন কৰা হয় । আন্তঃৰাষ্ট্ৰীয় শ্ৰমিক সন্মিলনে (ILO) ২০২২ চনৰ জুন মাহত আন্তঃৰাষ্ট্ৰীয় শ্ৰমিক সংস্থাৰ (ILO) কৰ্মক্ষেত্ৰত মৌলিক নীতি আৰু অধিকাৰৰ কাঠামোত "এটা নিৰাপদ আৰু সুস্থ কৰ্ম পৰিৱেশ" অন্তৰ্ভুক্ত কৰাৰ সিদ্ধান্ত গ্ৰহণ কৰে ।
ILO ২০২৩ চনৰ ২৮ এপ্ৰিলত বিশেষজ্ঞ আৰু গঠনকাৰীসকলক একত্ৰিত কৰি কৰ্ম জগতখনৰ ওপৰত ইয়াৰ প্ৰভাৱ আৰু এই অধিকাৰক কৰ্ম জগতত কেনেকৈ কাৰ্যকৰী কৰিব পাৰি সেই বিষয়ে আলোচনা কৰি এই সিদ্ধান্ত গ্ৰহণ কৰে । এই দিনটো প্ৰথমতে ২০০৩ চনত আন্তঃৰাষ্ট্ৰীয় শ্ৰমিক সংস্থাই (ILO) পালন কৰিছিল, ILOৰ পৰম্পৰাগত শক্তি ত্ৰিপাক্ষিকতা (সংঘ, নিয়োগকৰ্তা আৰু চৰকাৰৰ মাজত সহযোগিতা) আৰু সামাজিক আলোচনা ব্যৱহাৰ কৰি কৰ্মক্ষেত্ৰত দুৰ্ঘটনা আৰু ৰোগ প্ৰতিৰোধৰ ওপৰত গুৰুত্ব আৰোপ কৰিছিল ।
কৰ্মক্ষেত্ৰত নিৰাপত্তা তথা সুস্বাস্থ্য দিৱসে সমগ্ৰ বিশ্বতে বৃত্তিগত দুৰ্ঘটনা আৰু ৰোগ প্ৰতিৰোধৰ প্ৰসাৰ ঘটায় । এই অভিযানৰ উদ্দেশ্য হৈছে সমস্যাটোৰ পৰিসৰৰ ওপৰত সজাগতা বৃদ্ধি আৰু আন্তঃৰাষ্ট্ৰীয় মনোযোগ কেন্দ্ৰীভূত কৰা আৰু কৰ্মসংক্ৰান্তীয় মৃত্যু আৰু আঘাতৰ সংখ্যা হ্ৰাস কৰাত সহায় কৰিব পৰা সুৰক্ষা আৰু স্বাস্থ্য সংস্কৃতিৰ প্ৰসাৰ আৰু সৃষ্টি কৰা ।
ৰাষ্ট্ৰসংঘৰ মতে, চৰকাৰসমূহে শ্ৰমিকসকল যাতে নিয়োগযোগ্য হৈ থাকে আৰু উদ্যোগসমূহে লাভৱান হয়, তাৰ বাবে প্ৰয়োজনীয় আন্তঃগাঁথনি, আইন আৰু সেৱাসমূহ প্ৰদান কৰাৰ বাবে দায়ৱদ্ধ হয়, য'ত ৰাষ্ট্ৰীয় নীতি আৰু কাৰ্যসূচী প্ৰস্তুত কৰা আৰু ব্যৱসায়িক অনুসৰণৰ তদাৰক কৰা আদি ৰাষ্ট্ৰসংঘৰ মতে, চৰকাৰসমূহে শ্ৰমিকসকল যাতে নিয়োগযোগ্য হৈ থাকে আৰু উদ্যোগসমূহে লাভৱান হয়, তাৰ বাবে প্ৰয়োজনীয় আন্তঃগাঁথনি, আইন আৰু সেৱাসমূহ প্ৰদান কৰাৰ বাবে দায়বদ্ধ, য'ত ৰাষ্ট্ৰীয় নীতি আৰু কাৰ্যসূচী প্ৰস্তুত কৰা আৰু ব্যৱসায়িক অনুসৰণৰ তদাৰক কৰা আদি সুৰক্ষা আৰু স্বাস্থ্য আইন আৰু নীতিত অন্তৰ্ভুক্ত ।
কৰ্মক্ষেত্ৰত মৃত্যু আৰু আঘাত ৰোধৰ বাবে আমাৰ প্ৰত্যেকেই সমানে দায়ৱদ্ধ । নিয়োগকৰ্তা হিচাপে আমি কৰ্ম পৰিৱেশ যাতে সুৰক্ষিত আৰু সুস্থ হোৱাটো নিশ্চিত কৰাৰ বাবে দায়ৱদ্ধ । নিৰাপদে কাম কৰা, নিজকে সুৰক্ষিত কৰা আৰু যাতে আনৰ জীৱন বিপন্ন নহয়, আমাৰ অধিকাৰৰ প্ৰতি সচেতন হোৱা আৰু প্ৰতিৰোধমূলক ব্যৱস্থা ৰূপায়ণ কৰাটো শ্ৰমিক হিচাবে আমাৰ দায়িত্ব ।