নাৰীক পৰিয়ালৰ কেন্দ্ৰ তথা শক্তি বুলি গণ্য কৰা হয় । ঘৰ, পৰিয়াল, সন্তান, সকলো সম্পৰ্ক আৰু সম্পৰ্কৰ দায়িত্ব বেছিভাগেই পৰিয়ালত থকা মহিলাগৰাকীয়ে কৰে, কেতিয়াবা কন্যা হিচাপে, কেতিয়াবা পত্নী হিচাপে, কেতিয়াবা মাতৃ হিচাপে আৰু কেতিয়াবা বোৱাৰী হিচাপে । কিন্তু সকলোৰে দায়িত্ব পালন কৰি, সকলোৰে সুখ-স্বাস্থ্যৰ যত্ন লোৱাৰ সময়তে তাই আটাইতকৈ গুৰুত্বপূৰ্ণ ব্যক্তিজনক পাহৰি যায়। মানে নিজকে। মহিলা এগৰাকী কম শিক্ষিত হওক বা অধিক শিক্ষিত, গৰ্ভৱতী হওক বা কৰ্মৰত হওক, নিজৰ স্বাস্থ্য সুস্থ কৰি ৰখা বা নিজৰ বাবে কিবা এটা কৰাৰ চিন্তা পিছলৈ তেওঁৰ মনলৈ আহে(What is the theme for Womens Day 2023?) ।
আজিকালি বহুতে আত্মপ্ৰেমৰ কথা কয়(Why is March 8th women's Day?)। অৰ্থাৎ সকলোকে সুখী কৰি ৰখাৰ পূৰ্বে নিজক ভালপোৱাটো অতি প্ৰয়োজন । যদি আপুনি নিজকে ভাল নাপায় বা নিজৰ যত্ন নলয় তেন্তে আপোনাৰ শতকৰাখিনি কাকো দিব নোৱাৰিব । আত্মপ্ৰেম মানে নিজৰ যত্ন লোৱা বা নিজকে আদৰ কৰা(international womens day theme 2023)।
চিকিৎসকে এই সত্যটো নিশ্চিত কৰে যে, অধিকাংশ মহিলাই যিকোনো ধৰণৰ সমস্যাৰ সৈতে চিকিৎসকৰ ওচৰলৈ পৰীক্ষা আৰু চিকিৎসাৰ বাবে আহিবলৈ কুণ্ঠাবোধ কৰে ৷ যেতিয়ালৈকে তেওঁলোকৰ এই সমস্যাই অধিক কষ্ট নিদিয়ে তেতিয়ালৈকে তেওঁলোকে চিকিৎসকৰ কাষ নাচাপে(Women health and happiness) ।
এই সন্দৰ্ভত ইটিভি ভাৰত সুখীভৱৰ সৈতে হোৱা এক সাক্ষাৎকাৰত উত্তৰাখণ্ডৰ স্ত্ৰীৰোগ বিশেষজ্ঞ ডাঃ বিজয়ালক্ষ্মীয়ে কৈছে যে, আজিৰ সময়ত যেতিয়া স্বাস্থ্য সম্পৰ্কে ইমান সজাগতা বিয়পি পৰিছে, তাৰ পিছতো বেছিভাগ মহিলাই এতিয়াও নিয়মীয়া স্বাস্থ্য পৰীক্ষা, খাদ্য ৰুটিন আৰু ব্যায়ামৰ দৰে কাম-কাজৰ প্ৰতি অতি অসাৱধান আচৰণ কৰে (Women should also take care of their own health)।
এই ধৰণৰ অসাৱধানতা বিশেষকৈ কৰ্মৰত মহিলাৰ ক্ষেত্ৰত দেখা যায় কাৰণ তেওঁলোকে ঘৰ আৰু কাৰ্যালয়ৰ মাজত ইমানেই ব্যস্ত হৈ পৰে যে স্বাস্থ্যৰ সৈতে জড়িত গুৰুত্বপূৰ্ণ কথাবোৰত গুৰুত্ব নিদি ইয়াক আওকাণ কৰে । ঘৰৰ কাম শেষ কৰি কাৰ্যালয় পোৱাৰ খৰখেদাকৈ বহু মহিলাই নিজৰ ব্ৰেকফাষ্ট সঠিকভাৱে নোলোৱাত শৰীৰৰ পুষ্টিৰ প্ৰয়োজনীয়তা পূৰণ কৰিব নোৱাৰে । তেওঁলোকৰ ৰাতিৰ আহাৰ গ্ৰহণৰ ক্ষেত্ৰতো একেধৰণৰ কিবা এটা ঘটে । সেইবাবেই অধিকাংশ মহিলাৰ দেহত কেৱল আইৰণৰ অভাৱ হোৱাই নহয় আন বহুতো প্ৰয়োজনীয় পুষ্টিকৰ উপাদানৰ অভাৱ হোৱাও দেখা যায় ।
সৰুৰে পৰা কৰক এইসমূহ অভ্যাস
ডাঃ বিজয়লক্ষ্মীয়ে কয় যে, ঘৰতে কন্যা সন্তানক আৰম্ভণিৰে পৰাই শিকোৱাটো অতি প্ৰয়োজনীয় যে যদি তেওঁলোকে নিজৰ আৰু নিজৰ স্বাস্থ্যৰ প্ৰতি যত্ন লোৱা নাই তেন্তে তেওঁলোকে কাৰো যত্ন ল’ব নোৱাৰে । ইয়াৰ বাবে শৈশৱৰ পৰাই তেওঁলোকক সঠিক সময়ত পুষ্টিকৰ খাদ্য গ্ৰহণ কৰাৰ প্ৰয়োজনীয়তা দেখুৱাই নিয়মীয়া ব্যায়ামক তেওঁলোকৰ দৈনন্দিন কাম-কাজৰ এক অপৰিহাৰ্য অংশ হিচাপে লোৱাটো অতি প্ৰয়োজনীয় ।
লগতে তেওঁলোকক শিকোৱাটো অতি প্ৰয়োজনীয় যে যদি তেওঁলোকে কোনো ধৰণৰ সমস্যা অনুভৱ কৰি আছে তেন্তে তেওঁলোকে সেই বিষয়ে চিকিৎসকৰ ওচৰত ব্যক্ত কৰিব লাগে আৰু চিকিৎসা গ্ৰহণৰ ক্ষেত্ৰত কেতিয়াও অৱহেলা কৰিব নালাগে ।