নিউজ ডেস্ক, 1 জানুৱাৰী : আৰম্ভ হ’ল এটা নতুন বছৰ ৷ লগতে নামি আহিল শীত ৷ শীতৰ দিন মানেই ভ্ৰমণৰ সময় ৷ আপুনিও হয়তো পৰিকল্পনা কৰি আছে কোনো নতুন ঠাই ভ্ৰমণৰ৷ ভ্ৰমণৰ বাবে ৷ আপোনাৰ প্ৰথম পচন্দ কি ?
হিমাচল প্ৰদেশৰ অন্যতম পৰ্যটনস্থলী হিচাবে পৰিচিত মানালীক পৰ্যটকৰ প্ৰথম পচন্দ হিচাবে গণ্য কৰা হয় ৷ এই সময়ত মানালী হৈ পৰে অধিক আকৰ্ষণীয় ৷ কিয়নো নতুন বছৰৰ আৰম্ভণিতে মানালীত আয়োজন কৰা হৈছে শীতকালিন কাৰ্নিভেল (Manali Winter Carnival 2023)। গতিকে যদিহে আপুনি এই শীতত হিমাচল ভ্ৰমণৰ পৰিকল্পনা কৰিছে তেন্তে মানালী শীতকালিন কাৰ্নিভেলত সাক্ষী হৈ সজীৱ কৰক ভ্ৰমণস্মৃতি ।
মানালী শীতকালীন কাৰ্নিভেল উল্লেখ্য যে, মানালী শীতকালিন কাৰ্নিভেল প্ৰতি বছৰে ২ জানুৱাৰীৰ পৰা ৬ জানুৱাৰীৰ ভিতৰত পালন কৰা হয় ৷ আপুনি কেৱল পাঁচদিনীয়া এই উৎসৱ উপভোগ কৰাই নহয়, চাব পাৰিব হিমাচলৰ সংস্কৃতিও ।
শীতকালত দেশৰ বহু ঠাইত শীতকালীন উৎসৱৰ আয়োজন কৰা হয় । এনে পৰিস্থিতিত ভ্ৰমণবিলাসী বেছিভাগ মানুহেই এই উৎসৱসমূহ উপভোগ কৰে । বিশেষকৈ পাহাৰীয়া ঠাইসমূহৰ শীতকালীন উৎসৱসমূহ সমগ্ৰ দেশতে পৰিচিত । মানালীৰ শীতকালিন কাৰ্নিভেলো তাৰ ভিতৰত অন্যতম (Winter Carnival will be celebrated in Manali)।
হিমাচল প্ৰদেশত অৱস্থিত মানালীৰ নাম অন্তৰ্ভুক্ত হৈছে দেশৰ সৰ্বকালৰ বিখ্যাত পৰ্যটনস্থলীৰূপে ৷ যাৰ বাবে বছৰটোৰ প্ৰায় সময়তে মানালীত পৰ্যটকৰ সমাৱেশ দেখা যায় । কিন্তু শীতকালত মানালীত আয়োজন কৰা শীতকালিন কাৰ্নিভেলক মুখ্য আকৰ্ষণ হিচাবে গণ্য কৰা হয় । গতিকে মানালী শীতকালিন কাৰ্নিভেলত অংশগ্ৰহণ কৰাৰ পূৰ্বে কিছু কথা জানি লও আহক ।
মানালী শীতকালিন কাৰ্নিভেলৰ আৰম্ভণিঃ পৰ্যটন চহৰ মানালী শীতকালিন কাৰ্নিভেল অটল বিহাৰী পৰ্বতাৰোহণ প্ৰতিষ্ঠানৰ পৰিচালক হৰনাম সিঙৰ সৃষ্টি আৰু ১৯৭৭ চনত ইয়াৰ আৰম্ভ হৈছিল ৷ হিমাচল প্ৰদেশ ৰাজ্যৰ প্ৰাক্তন মুখ্যমন্ত্ৰী ড৹ ৱাই এছ পাৰমাৰে এই উৎসৱ উদ্বোধন কৰিছিল আৰু প্ৰথম বছৰত এই উৎসৱৰ মুখ্য আকৰ্ষণ আছিল স্কিইং । এই কাৰ্যসূচী স্কিইঙক প্ৰচাৰ কৰাৰ লক্ষ্যৰে আৰম্ভ কৰা হৈছিল আৰু লাহে লাহে মানুহে অংশগ্ৰহণ কৰিবলৈ আৰম্ভ কৰিছিল । ইয়াৰ পিছত ইয়াৰ প্ৰসাৰ বৃদ্ধি পাই এতিয়া ৰাষ্ট্ৰীয় স্বীকৃতি লাভ কৰিছে৷
মানালী শীতকালীন কাৰ্নিভেল এইবেলি ৩ আৰু ৫ জানুৱাৰীত শীতকালীন কাৰ্নিভালত মহিলা সকলৰ পৰম্পৰাগত সাজপাৰ প্ৰদৰ্শন কৰা হ’ব৷ য’ত প্ৰায় ২৮০টা গোটে অংশগ্ৰহণ কৰিব । প্ৰতিটো মহিলা গোটৰ পৰা ১২ গৰাকী মহিলাই অংশগ্ৰহণ কৰিব ৷ আনহাতে দুয়োটা দিনতে একেলগে নৃত্য প্ৰদৰ্শন কৰিব ৩,৩৬০ৰো অধিক মহিলাই ৷
মানালী শীতকালিন কাৰ্নিভেলৰ বিশেষত্বসমূহ: হিমাচল প্ৰদেশৰ অন্যতম বিখ্যাত উৎসৱ মানালী শীতকালিন কাৰ্নিভেল প্ৰতি বছৰে ২ জানুৱাৰীৰ পৰা ৬ জানুৱাৰীৰ ভিতৰত পালন কৰা হয়। পাঁচদিনীয়া এই উৎসৱত আপুনি কেৱল বহুত উপভোগ কৰাই নহয়, ওচৰৰ পৰাও হিমাচলৰ সংস্কৃতিও চাব পাৰে। ২ জানুৱাৰীৰ পৰা প্ৰাৰ্থনা আবৃত্তিৰে আৰম্ভ হয় মানালী শীতকালিন কাৰ্নিভেল। ইয়াৰ পিছত মানালীত একেৰাহে পাঁচদিন লোকনৃত্য, সাংস্কৃতিক অনুষ্ঠান আৰু স্থানীয় খেলৰ দৰে বহু অনুষ্ঠানৰ আয়োজন কৰা হয়। আনহাতে, মনালী শীতকালীন কাৰ্নিভালত অংশগ্ৰহণ কৰা লোকসকলেও বৰফ পৰা আৰু প্ৰচণ্ড ঠাণ্ডা পৰিহাৰ কৰি এই উৎসৱক সম্পূৰ্ণৰূপে উপভোগ কৰে। ইয়াৰ লগতে কাৰ্নিভেলৰ সময়ত হিমাচলৰ সোৱাদযুক্ত খাদ্যৰ সোৱাদও ল’ব পাৰি।
কাৰ্যসূচীসমূহ : শীতকালিন কাৰ্নিভেলত প্ৰতি বছৰে শীতকালিন ৰাণী আৰু হিমালয়ৰ কণ্ঠৰ কাৰ্যসূচীও আয়োজন কৰা হয় । দুয়োটা অনুষ্ঠানতে অংশগ্ৰহণৰ বাবে ভাৰতৰ বিভিন্ন প্ৰান্তৰ পৰা মানালীত উপস্থিত হয় শিল্পীসকল ৷ দুয়োটা অনুষ্ঠানেই শীতকালিন কাৰ্নিভেলৰ মূল আকৰ্ষণ । এই উৎসৱৰ জৰিয়তে পৰ্যটকসকলে হিমাচলৰ সংস্কৃতিৰ সৈতে পৰিচিত হয় ।
মানালী শীতকালীন কাৰ্নিভেল এই উৎসৱৰ জৰিয়তে পৰ্যটকসকলে হিমাচলৰ সংস্কৃতি, পৰিৱেশ, সাজ-পোছাক, লোকশিল্প আৰু লোকনৃত্যৰ আভাস পায় । নৱবৰ্ষ উপলক্ষে মানালী হাজাৰ হাজাৰ পৰ্যটকৰ আগমন ঘটে আৰু এই উৎসৱ বছৰৰ আৰম্ভণিতে অনুষ্ঠিত হয় । এই উৎসৱত পৰ্যটকসকলে হিমাচলৰ নৃত্য-সংগীতো উপভোগ কৰিব পাৰে ।
মুখ্যমন্ত্ৰীয়ে উদ্বোধন কৰিব কাৰ্নিভেলঃ শীতকালিন কাৰ্নিভেল সমিতিৰ আহ্বায়ক তথা মানালীৰ বিধায়ক ভুৱনেশ্বৰ গৌৰে কয় যে এই উৎসৱ অহা ২ জানুৱাৰীৰ পুৱা মুখ্যমন্ত্ৰীয়ে আনুষ্ঠানিকভাৱে শুভাৰম্ভ কৰিব হিডিম্বা মাতাৰ পূজাৰে৷ ইয়াৰ পিছত স্থানীয় টেবুলসমূহৰ ফ্লেগ অফ কৰিব মুখ্য অতিথিয়ে । ইয়াৰ পিছত মুখ্য অতিথিয়ে ৰামবাঘ চকলৈ আয়োজিত পৰম্পৰাগত কুলৱী নৃত্যত অংশগ্ৰহণ কৰিব । এই সাংস্কৃতিক অনুষ্ঠানসমূহো আনুষ্ঠানিকভাৱে মনু ৰংশালাত উদ্বোধন কৰা হ’ব, য’ত মুখ্য অতিথিয়ে বন্তি প্ৰজ্বলনেৰে আনুষ্ঠানিকভাৱে উদ্বোধন কৰিব । মুখ্যমন্ত্ৰীক আয়োজক সমিতিয়েও সম্বৰ্ধনা জনাব ।
লগতে পঢ়ক:New year 2023 : নলবাৰীত ব্ৰহ্মপুত্ৰৰ বালিচৰত বনভোজকাৰীৰ ভিৰ
