নিউজ ডেস্ক, ১৭ জানুৱাৰী :অহা 18 জানুৱাৰীৰ পৰা 21 জানুৱাৰীলৈ হায়দৰাবাদৰ বেগমপেট বিমানবন্দৰত অনুষ্ঠিত হ'ব উইংছ ইণ্ডিয়া, 2024 । দেশৰ এই বিমান প্ৰদৰ্শনীৰ সময়ত হিন্দুস্তান এৰোনটিক্স লিমিটেড চমুকৈ এইচএএলে ইয়াৰ থলুৱা অসামৰিক নিৰ্মাণ হিন্দুস্তান-228 বিমান আৰু এএলএইচ ধ্ৰুৱৰ উন্নীত অসামৰিক হেলিকপ্টাৰ প্ৰদৰ্শন কৰিব ।
এইচচিএলৰ চিএমডি (অতিৰিক্ত দায়িত্বপ্ৰাপ্ত) চি বি অনন্তকৃষ্ণনে কয়, "এইচএএলে ভাৰতত আঞ্চলিক সংযোগ বৃদ্ধিৰ বাবে 'মেড ইন ইণ্ডিয়া' ফিক্সড উইং অসামৰিক বিমানৰ উদ্যোগ তৈয়াৰ কৰি আছে । কোম্পানীটোৱে ডিঅ'-228 আৰু এইচএছ-748ৰ দৰে বিমান নিৰ্মাণত ইয়াৰ শক্তি ব্যৱহাৰ কৰি আছে আৰু আঞ্চলিক পৰিবহণ বিমানৰ দৰে অসামৰিক বিমান কাৰ্যসূচীলৈ ইয়াৰ সামৰ্থ্য সম্প্ৰসাৰিত কৰিছে । এইচএএলে অসামৰিক এমআৰঅ' কাৰ্যকলাপৰ বাবে সক্ৰিয়ভাৱে সহযোগিতা চলাই আছে ।"
অনুষ্ঠানটোৰ সময়ত এইচএএল ষ্টল নং 25ৰ পল এত প্ৰদৰ্শিত হ'ব । এইচএএল ষ্টলে এলইউএইচ (চিভিল ভেৰিয়েণ্ট), হিন্দুস্তান-228, এএলএইচ (চিভিল ভেৰিয়েণ্ট), লাইন ৰিপ্লেচেবল ইউনিট (এলআৰইউ) আৰু অসামৰিক বিমান সম্পৰ্কীয় আনুষঙ্গিক সামগ্ৰীৰ স্কেল মডেল প্ৰদৰ্শন কৰিব । এইচএএলে বিভিন্ন প্ৰকল্পৰ বাবে ইয়াৰ ব্যৱসায়িক অংশীদাৰসকলৰ সৈতে চুক্তি স্বাক্ষৰ কৰাৰ উপৰি অ'ইএম আৰু গ্ৰাহকৰ সৈতে ব্যৱসায়িক বৈঠক অনুষ্ঠিত কৰিব ।
উন্নত অসামৰিক ধ্ৰুৱ হেলিকপ্টাৰ হৈছে এডভান্সড লাইট হেলিকপ্টাৰৰ এক প্ৰকাৰ । ই হৈছে 5.5 টন টুইন ইঞ্জিন হেলিকপ্টাৰ । ইয়াক এইচএএলৰ দ্বাৰা ডিজাইন আৰু বিকশিত কৰা হৈছে । হেলিকপ্টাৰে বিভিন্ন ভূমিকা যেনে দুৰ্যোগ ব্যৱস্থাপনা, অনুসন্ধান আৰু উদ্ধাৰ (এছএআৰ), আণ্ডাৰশ্লাং ভূমিকা, হেলি-পৰ্যটন, ভিআইপি ফেৰী আদি পালন কৰিব পাৰে । হেলিকপ্টাৰখনত এডভান্সড গ্লাছ ককপিট আৰু এভিঅ'নিক্স আছে । এই হেলিকপ্টাৰে ভাৰত চৰকাৰৰ আঞ্চলিক সংযোগ কাৰ্যসূচীক (আৰচিএছ) সম্পূৰ্ণ কৰিব ।