পত্নীক হত্যা কৰি নদীত জপিয়াই পলায়নৰ চেষ্টা স্বামীৰ

ত্ৰিপুৰাত সোমবাৰে সংঘটিত কাজিয়াৰ পৰিণতিত পত্নীক হত্যা কৰি আৰক্ষীৰ পৰা পলাই সাৰিবলৈ গোমতী নদীত জপিয়াই স্বামীয়ে ৷ অৱশ্যে কেইবাঘণ্টা জোৰা প্ৰচেষ্টাৰ অন্তত আৰক্ষীয়ে আটক কৰে অভিযুক্তক ৷

ত্ৰিপুৰা,27 এপ্ৰিল: ত্ৰিপুৰাৰ উদয়পুৰ মহকুমাৰ অন্তৰ্গত পশ্চিম শালগাৰা অঞ্চলত সংঘটিত হৈছে এক আশ্চৰ্যকৰ ঘটনা ৷ পত্নীক হত্যা কৰি আৰক্ষীৰ পৰা পলাই সাৰিবলৈ গোমতী নদীত জপিয়াই অভিযুক্তই ৷

স্থানীয় সূত্ৰই জনোৱা মতে, হাকিম মিয়া আৰু ৰুষ্ণা বিবি নামৰ দম্পতীটোৱে দীৰ্ঘদিনৰে পৰা পাৰিবাৰিক কাজিয়াত লিপ্ত হৈ আছিল ৷ ইয়াৰ পৰিপ্ৰেক্ষিতত সোমবাৰে দুয়োৰে মাজত আৰম্ভ হয় তীব্ৰ বিবাদ ৷ ইয়াৰ পাচতে খঙতে মিয়াই আক্ৰমণ কৰে পত্নীক ৷

পত্নী ৰুষ্ণাৰ তেজেৰে তিতি থকা শৰীৰটো প্ৰত্যক্ষ কৰে স্থানীয় ৰাইজে ৷ ইয়াৰ পাচতে তেওঁলোকে মিয়াৰ বাসগৃহত উপস্থিত হৈ চিঞৰ-বাখৰ আৰম্ভ কৰে ৷

ঘটনাৰ পিছ মুহুৰ্ততে আৰক্ষীক খবৰ দিয়া হয় যদিও অভিযুক্তই ভয়তে ঘৰৰ সমীপৰ গোমতী নদীত জপিয়াই পলায়নৰ চেষ্টা কৰে । অৱশেষত কেইবা ঘণ্টা ধৰি চলোৱা প্ৰচেষ্টাৰ অন্তত অভিযুক্ত মিয়াক আটক কৰে আৰক্ষীয়ে ৷

লগতে পঢ়ক :কাৰ্বি আংলঙত বৃদ্ধৰ কামনাৰ বলি কিশোৰী