Cable bridge to collapse: মৰ্বিৰ মাচ্চু নদীৰ ওলমা দলং ট্ৰেজেডীৰ বাবে কোন দায়ী?

কিহৰ বাবে খহি পৰিছিল ওলমা দলং ( Cable bridge to collapse)? ইয়াক সঠিকভাৱে ৰখা হৈছিল নেকি? ইয়াৰ বাবে দায়ী কোন? এই সমস্যাৰ মোকাবিলা কৰিবলৈ, ইটিভি ভাৰতে এক প্ৰয়াস কৰিছে ৷

নেশ্যনেল ডেস্ক, 31 অক্টোবৰ: গুজৰাটৰ মৰ্বিৰ মাচ্চু নদীত ওলমা দলং ছিগি পৰি সংঘটিত হোৱা ঘটনাৰ শোক এতিয়াও মাৰ যোৱা নাই (Hanging bridge tragedy)৷ দেওবাৰে সংঘটিত হোৱা ভয়ংকৰ ঘটনাত শিশু মহিলাসহ এতিয়ালৈ 134 গৰাকী লোকৰ মৃতদেহ উদ্ধাৰ কৰিবলৈ সক্ষম হৈছে (134 passes away)৷ এই ঘটনাৰ পিছতে ৰাজ্যখনত শোকৰ ছাঁ পৰিছে যদিও এটা প্ৰশ্নৰ উদ্ভৱ হৈছে ৷ ওলমা দলংখন কিহৰ বাবে খহি পৰিছিল ( Cable bridge to collapse)? ইয়াক সঠিকভাৱে ৰখা হৈছিল নেকি? ইয়াৰ বাবে দায়ী কোন? এই সমস্যাৰ মোকাবিলা কৰিবলৈ, ইটিভি ভাৰতে এক প্ৰয়াস কৰিছে ৷

ঘটনাৰ দিনা দেওবাৰ আৰু দিপাৱলীৰ বন্ধ হোৱাৰ হেতুকে মৰ্বি দলং চাবলৈ ৪০০ তকৈও অধিক ব্যক্তি উপস্থিত হৈছিল (Morbi cable bridge)৷ প্ৰথমে দলংখনত লোক বেছি হোৱাৰ কাৰণে দলংখন কঁপি উঠিছিল, কিন্তু তাৰ কিছু সময়ৰ পিছতে দলংখন চকুৰ পচাৰেত ছিগি পৰিছিল ৷ 142 বছৰ পুৰণি এই ওলোমা দলংখন মুম্বাইৰ ৰাজ্যপাল ৰিচাৰ্ড টেম্পলে ১৮৭৯ চনৰ ২০ ফেব্ৰুৱাৰীত মৰ্বিৰ মাচ্চু নদীৰ ওপৰত আধৰশিলা স্থপন কৰিছিল ৷ ওলমা দলংখন প্ৰায় 3.5 লাখ টকা ব্যয় কৰি নিৰ্মাণ কৰা হৈছিল ৷ 1880 চনত দলংখন নিৰ্মাণৰ কাম সমাপ্ত হৈছিল ৷ ইংলেণ্ডৰ এখন দলঙক অনুসৰণ কৰি এই ওলোমা দলংখন নিৰ্মাণ কৰা হৈছিল ৷

শেহতীয়াকৈ ওলমা দলংখন ছয় মাহ ধৰি বন্ধ কৰি ইয়াত নৱীকৰণৰ কাম চলি আছিল ৷ দলংখনৰ পুনৰ মেৰামতিৰ বাবে অভিযন্তা, ঠিকাদাৰ আৰু বিশেষ ফেব্ৰিকেটৰৰ এটা গোটে কাম আৰম্ভ কৰিছিল ৷ 2 কোটি ব্যয় কৰি এই দলংখনৰ পুননিৰ্মাণৰ কাম কৰা হৈছিল ৷ জিন্দাল কোম্পানীয়ে এই ওলমা দলংখনৰ পুনঃনিৰ্মাণৰ বাবে প্ৰাথমিক সামগ্ৰী প্ৰদান কৰিছিল ৷ লগতে পাতল এলুমিনিয়ামৰ শ্বীট দলং নিৰ্মাণত ব্যৱহাৰ কৰা হৈছিল ৷

জানিব পৰামতে ওলমা দলংখনৰ ক্ষমতা আছিল 100 জনৰ ৷ কিন্তু তাৰ পিছত দলংখনত প্ৰায় 400 ৰ পৰা 500 লোক আহিছিল ৷ ইফালে এই ঘটনা সংঘটিত হোৱাৰ চাৰি দিন পূৰ্বে দলংখনত 12,000 লোকে পৰিদৰ্শন কৰিছিল ৷

উল্লেখ্য যে এই ওলমা দলংখন পুনঃনিৰ্মাণৰ বাবে অৰেভা গ্ৰুপক 15 বছৰৰ বাবে কাম কৰাৰ বাবে চুক্তিবদ্ধ কৰা হৈছিল ৷ পৌৰসভাই 2 মাৰ্চ, 2022 তাৰিখে অৰেভা গ্ৰুপৰ কোম্পানী অজন্তা মেনুফেকচাৰিং প্ৰাইভেট লিমিটেডক দলং নিৰ্মাণৰ কাম চমজি দিছিল ৷ ১৫ বছৰৰ বাবে ওলমা দলঙৰ সম্পূৰ্ণ ব্যৱস্থাপনাৰ বাবে এক চুক্তি কৰা হৈছিল ৷ সেই অনুসৰিয়েই পৰ্যটকৰ বাৰে টিকটৰ মূল্য নিৰ্ধাৰণ কৰা হৈছিল, আৰু বাৰ্ষিক দুই টকাকৈ টিকটৰ মূল্য বৃদ্ধি কৰাৰ বাবেও সংকল্প লোৱা হৈছিল ৷ 38 বছৰ আগতে ওলমা দলঙৰ পৰ্যটককাৰীসকলৰ টিকটৰ মূল্য আছিল 15 পইচা ৷

এই ঘটনাৰ পিছতে ইতিমধ্যে এই ঘটনা তদন্তৰ বাবে এখন পাঁচ জনীয়া সমিতি গঠন কৰা হৈছিল: গুজৰাট চৰকাৰে মৰ্বি ওলমা দলঙৰ ঘটনাৰ তদন্তৰ বাবে এখন পাঁচ জনীয়া সমিতি নিয়োগ কৰিছে । য'ত (1) ৰাজকুমাৰ বেনিৱাল, আইএএছ পৌৰ প্ৰশাসন আয়ুক্ত (2) কে. এনেদৰে । পেটেল, মুখ্য অভিযন্তা গুণমান নিয়ন্ত্ৰণ, আৰ আৰু ডি বিভাগ, গান্ধীনগৰ (3) ড৹ গোপাল টেংক, এইচ.ও.ডি. ষ্ট্ৰাকচাৰেল ইং, এল.ডি. অভিযান্ত্ৰিক মহাবিদ্যালয়, আহমেদাবাদ (4) সন্দীপ ভাসাভা, পথ আৰু ভৱনৰ সচিব আৰু (5) সুভাষ ত্ৰিবেদী, আইজি-চিআইডি অপৰাধ শাখা ৷

আহমেদাবাদৰ এ আই টি মহাবিদ্যালয়ৰ অসামৰিক অভিযান্ত্ৰিক বিভাগৰ সহায়ক অধ্যাপক কিষাণভাই পেটেলে ইটিভি ভাৰতে কয় যে এনে ওলমা দলঙৰ ক্ষমতা বিশেষভাৱে পৰীক্ষা কৰা হয় । সেয়েহে, এই ওলমা দলঙে কঢ়িয়াব পৰা ওজনৰ পৰিমাণ আৰু অনুমোদিত দৰ্শনাৰ্থীৰ সংখ্যা নিৰ্ধাৰণ কৰাৰ পিছতহে এখন দলঙৰ ক্ষমতা নিৰ্ধাৰণৰ প্ৰমাণপত্ৰ জাৰী কৰা হয় ৷

লগতে পঢ়ক:Morbi Bridge Collapse Update : শতিকা পুৰণি ওলমা দলং ভাঙি মৃত্যু প্ৰায় 132 জনৰ