নেশ্যনেল ডেস্ক, 28 নৱেম্বৰ: কেৰালাত প্ৰতিবাদৰ মাজতে হিংসাত্মৰ কাৰ্যকলাপ ঘটনা সংঘটিত হোৱা খবৰ পোহৰলৈ আহিছে ( Vizhinjam police station attack)৷ দেওবাৰে নিশা কেৰালাৰ ৱিজহিনজাম অঞ্চলত আদানি বিমানবন্দৰ প্ৰকল্পৰ (Adani port project in Kerala)বিৰুদ্ধে চলি থকা প্ৰতিবাদৰ সময়তে ৱিজহিনজাম আৰক্ষী থানা ভাঙি চুৰমাৰ কৰে প্ৰতিবাদকাৰীয়ে (Violent clashes during ongoing protest)৷
কেৱল আৰক্ষী থানা আক্ৰমণ কৰিয়েই ক্ষান্ত নাথাকি আৰক্ষীৰ ওপৰতো আক্ৰমণ কৰে ৷ ইতিমধ্যে এই হিংসাত্মক আক্ৰমণত প্ৰায় ৩৬ জন আৰক্ষী কৰ্মী আহত হোৱাৰ খবৰ পোৱা গৈছে ৷
প্ৰকৃততে ঘটনা সন্দৰ্ভত জানিব পৰামতে আদানি বিমানবন্দৰক লৈ কেইবাদিন ধৰি লেটিন গীৰ্জা কৰ্তৃপক্ষই আন্দোলন অব্যাহত ৰাখিছিল ৷ এই আন্দোলনৰ মাজতে আৰক্ষীয়ে 5 গৰাকী স্থানীয় লোকক আটক কৰিছিল ৷ এই কথা পোহৰলৈ অহাৰ পিছতে ৱিজহিনজাম অঞ্চলত অশান্ত পৰিস্থিতিৰ সৃষ্টি হয় ৷ কোনো কাৰণ নোহোৱাকৈ 5 জন লোকক আটক কৰা ঘটনাই স্থানীয় লোকসকলক ক্ষোভিত কৰি তুলিছিল ৷
যাৰ ফলত স্থানীয় লোকসকলে দেওবাৰে নিশা একত্ৰিত হৈ আৰক্ষী থানাখন ঘেৰাও কৰি 5 জন লোকক মুকলি কৰি দিবলৈ দাবী উত্থাপন কৰে ৷ কিন্তু আৰক্ষীয়ে স্থানীয় লোকৰ দাবী মানিবলৈ মান্তি নোহোৱাত প্ৰতিবাদকাৰী লোকসকলে আৰক্ষীৰ ওপৰত আক্ৰমণ কৰে ৷
আৰক্ষীয়ে পৰস্থিতি বিষম হোৱা দেখি প্ৰতিবাদকাৰীসকলক ছত্ৰভঙ্গ কৰিবলৈ লাঠী চাৰ্জ আৰু কন্দুৱা গেছ প্ৰয়োগ কৰিছিল ৷ ঘটনাৰ খবৰ পাই ততালিকে সেই স্থানত 600 অত্যাধিক আৰক্ষী মোতায়েন কৰা হৈছিল যদিও প্ৰতিবাদীকাৰীসকলক ৰোধিব পৰা নাছিল ৷
আৰক্ষী থানা ভাঙি চূৰমাৰ কৰাৰ অভিযোগত 3000 লোকৰ বিৰুদ্ধে গোচৰ উত্তেজিত প্ৰতিবাদকাৰীয়ে আৰক্ষী থানা ভাঙি চুৰমাৰ কৰাৰ লগতে আৰক্ষীক আক্ৰমণ কৰে ৷ এই আক্ৰমণত এজন ভাৰপ্ৰাপ্ত আৰক্ষী বিষয়াৰ ভৰিত ফ্ৰেকছাৰ হোৱা বুলি জানিব পৰা গৈছে ৷ আৰক্ষীয়ে জানিবলৈ দিয়া মতে আৰক্ষীৰ গালৈ ইটা দলিয়াইছিল প্ৰতিবাদকাৰীয়ে ৷
আনকি এই ঘটনাৰ বাতৰি সংগ্ৰহ কৰিবলৈ যোৱা সাংবাদিকৰ ওপৰতো আক্ৰমণ কৰিছিল প্ৰতিবাদকাৰীসকলে ৷ স্থানীয় সংবাদমাধ্যমৰ কেমেৰাপাৰ্ছন শ্বেৰিফ এম জনক প্ৰতিবাদকাৰীসকলে আক্ৰমণ কৰিছিল ৷ এই আক্ৰমণত তেওঁৰ কেমেৰাও ক্ষতিগ্ৰস্ত হৈছিল, কাঢ়ি লোৱা হৈছিল তেওঁৰ ফোনটোও ৷ ইতিমধ্যে তেওঁক তিৰুৱন্তপুৰম চিকিৎসা মহাবিদ্যালয় চিকিৎসালয়লৈ স্থানান্তৰিত কৰা হৈছে।
ইফালে স্থানীয় আৰক্ষীয়ে এই হিংসাত্মক কাৰ্যকলাপ সংঘটিত কৰা অভিযোগত প্ৰায় 3,000 গৰাকী লোকৰ বিৰুদ্ধে গোচৰ ৰুজু কৰিছে (Cases against 3000 persons)৷ ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ৷ আহত আৰক্ষীকেইজনক হাস্পতালত ভৰ্তি কৰা হৈছে ৷
লগতে পঢ়ক:Delhi Municipal Corporation Election: নিৰ্বাচনী প্ৰচাৰত ব্যস্ত কেন্দ্ৰীয় মন্ত্ৰী সৰ্বানন্দ সোণোৱাল
