নিউজ ডেস্ক, 22 ডিচেম্বৰ : এখন পদত্যাপ পত্ৰ, এখন ভাইৰেল পদত্যাপ পত্ৰ ৷ পত্ৰখন ভাইৰেল হৈ পৰাৰ পিচত নেটিজেনে কৰিছে বিভিন্ন ধৰণৰ কমেণ্ট ৷ কোনো সৰু-সুৰা কোম্পানীৰ পদত্যাগ পত্ৰ নহয় এইখন ৷ BSE (Bombay Stock Exchange) ৰ অন্তৰ্গত ফাৰ্ম Mitshi India ৰ ভাইৰেল পদত্যাগ পত্ৰ এইখন ৷ Mitshi India শ্বেয়াৰ মাৰ্কেটৰ তালিকাত থকা এটা কোম্পানী ৷ পদত্যাগ পত্ৰ দাখিল কৰিছিল কোম্পানীটোৰ মুখ্য বিত্তীয় বিষয়াজনে ৷
কি আছিল পদত্যাগ পত্ৰখনত জানেনে ? পদত্যাগ পত্ৰখনত চাকৰি এৰাৰ কাৰণ উল্লেখ আছিল, ব্যক্তিগত কাৰণৰ বাবেই চাকৰি এৰিছে মুখ্য বিত্তীয় বিষয়াজনে ৷ কিন্তু কাৰণটো বিশেষ নাছিল, বিশেষ আছিল পত্ৰখনহে ৷ কিয়নো এই পদত্যাগ পত্ৰখন হাতেৰে লিখি জমা দিছিল মুখ্য বিত্তীয় বিষয়াজনে ৷ মাথো দুটা দফাতে শেষ হৈছিল তেওঁৰ এই পদত্যাগ পত্ৰখন ৷
আগতে আমি টাইপ কৰি প্ৰিণ্ট আউট উলিয়াই লেফাফাত ভৰাই নিজৰ বাৰ্তা প্ৰেৰণ কৰিছিলো যিকোনো অফিচিয়েল কামৰ ক্ষেত্ৰত ৷ এতিয়াও কেতিয়াবা তেনেদৰে বাৰ্তা প্ৰেৰণ কৰা যায় ৷ কিন্তু যেতিয়াৰ পৰাই হাতত মোবাইল বা লেপটপটো থকা হ’ল, তৎক্ষণাত যিকোনো কথা নতুবা কামৰ বাবে আমি মেইল পঠিয়াবলৈ আৰম্ভ কৰিলো ৷ যিহেতু যান্ত্ৰিকতাৰ যুগ, মানুহৰ হাতত সময় কম, কামো বেছি ৷ সেইবাবে আজিকালিৰ যুগত মেইল বা মেচেজেই হ’ল নিজৰ মনৰ কথা জনোৱাৰ আটাইতকৈ লেছ টাইম কনজিউমিং উপায় ৷ কিন্তু এনেহেন সুবিধা থকাৰ পাচতো ৰিংকু পেটেলে হাত দিলে কলমত ৷ হাতত তুলি ল’লে এটুকুৰা কাগজ ৷
ৰিংকু পেটেল, Mitshi India ৰ মুখ্য বিত্তীয় বিষয়া ৷ আজি চৰ্চাত ৰিংকু তেওঁৰ পদত্যাগ কৰা উপায়টোৰ বাবে ৷ কিন্তু তাতোকৈ বেছি চৰ্চাত হাতেৰে লিখা পদত্যাগ পত্ৰখন ৷ নেটিজেনে পছন্দ কৰিছে হাতৰ আখৰ ৷ এক্সত চৰ্চা চলিছে এই পত্ৰখনক লৈ ৷ চাই লওক কেইজনমান ইউজাৰৰ মন্তব্য-
লগতে পঢ়ক :এটা মানৱসদৃশ মুখমণ্ডলৰ ছাগলীয়ে কাঢ়িছে দৃষ্টি, ভাইৰেল হৈছে ফটো-ভিডিঅ’
