Gaganyaan program : ২১ অক্টোবৰত হ'ব গগনযান অভিযানৰ অধীনত Vehicle-D1 ৰ পৰীক্ষণ

ইছৰোৰ মুৰব্বী এছ সোমনাথে কোৱা মতে গগনযান অভিযানে ৩ গৰাকী সদস্যৰ এটা দলক ৪০০ কিলোমিটাৰ কক্ষপথলৈ উৎক্ষেপণ কৰি আৰু তেওঁলোকক ৩ দিনীয়া অভিযানৰ অন্তত পৃথিৱীলৈ ঘূৰাই আনি ভাৰত মহাসাগৰত সুৰক্ষিতভাৱে অৱতৰণ কৰিব । ইছৰোৱে মানৱ মহাকাশ উৰণ ক্ষমতা প্ৰদৰ্শনৰ বাবে ব্যাপক প্ৰস্তুতি কৰিছে ।

নেশ্যনেল ডেস্ক,১৫ অক্টোবৰ :ভাৰতীয় মহাকাশ গৱেষণা সংস্থাৰ অন্যতন গুৰুত্বপূৰ্ণ প্ৰকল্প গগনযানৰ অংশ টিভি ডি-১ (টেষ্ট ভেহিকেল ডেভেলপমেণ্ট ফ্লাইট ১)ৰ প্ৰথমটো পৰীক্ষামূলক উৰণ ২১ অক্টোবৰত কৰা হ'ব । শনিবাৰে সংবাদ মাধ্যমত এই কথা প্ৰকাশ কৰিছে ইছৰোৰ মুৰব্বী ড৹ এছ সোমনাথে । তেওঁ উল্লেখ কৰা মতে ডি-১ পৰীক্ষাৰ অন্তত একে ধৰণৰ প্ৰায় ৩ টা পৰীক্ষা কৰা হ'ব । ইফালে অহা বছৰৰ শেষৰফালে মানৱ মহাকাশ ভ্ৰমণৰ সময়ত ভাৰতীয় মহাকাশচাৰীসকলক ৰাখিব লগা ক্ৰু মডিউল পৰীক্ষাৰ বাবে অন্ধ্ৰপ্ৰদেশৰ শ্ৰীহৰিকোটাৰ সতীশ ধাৱান মহাকাশ কেন্দ্ৰত বাহন বিকাশ বিমানৰ (টিভি-ডি১) পৰীক্ষামূলক উৰণ সম্পন্ন কৰা হ'ব ।

সোমনাথে মাদুৰাইত সাংবাদিকক কয় যে পৰীক্ষণ বাহন ডি-১ অভিযান ২১ অক্টোবৰত কৰা হ'ব । এয়া গগনযান অভিযানৰ অংশ । তেওঁ কয় যে গগনযান কাৰ্যসূচীত ক্ৰু এস্কেপ প্ৰণালী প্ৰদৰ্শন কৰোতে পৰীক্ষাৰ প্ৰয়োজন হয় । ক্ৰু এস্কেপ চিষ্টেম গগনযানৰ এটা অতি গুৰুত্বপূৰ্ণ প্ৰণালী । এই টিভি ডি-১ত অন্তৰ্ভুক্ত থাকে ক্ৰু মডিউলটো বাহিৰৰ মহাকাশলৈ উৎক্ষেপণ কৰা, ইয়াক পৃথিৱীলৈ ঘূৰাই অনা আৰু বংগোপসাগৰত অৱতৰণ কৰি তাক উদ্ধাৰ কৰা ।

সোমনাথে কয় যে পৰীক্ষণটো হ'ব বিমানৰ এক স্থিতিত ক্ৰু এস্কেপ প্ৰণালী প্ৰদৰ্শন কৰা । সেয়েহে ইছৰোৱে প্ৰদৰ্শন কৰি থকা এই পৰিস্থিতিক ট্ৰেন্সনিক অৱস্থা বুলিও কোৱা হয় । ইয়াৰ পাছত প্ৰতি মাহে কমেও এটাকৈ পৰীক্ষণৰ সুযোগ পাব বুলিও তেওঁ উল্লেখ কৰে । এই পৰীক্ষণ বাহনখন উৎক্ষেপণৰ পাছত ইছৰোৱে জিএছএলভি আৰু পিএছএলভিৰ পৰা উৎক্ষেপণ কৰিব । তাৰ পাছত গগনযান এক মানৱবিহীন অভিযান হ'ব । তেওঁ কয় যে মাজতে এটা পিএছএলভি উৎক্ষেপণ কৰা হ'ব । গতিকে জানুৱাৰীৰ পূৰ্বে দেশবাসীয়ে ৪-৫ টা উৎক্ষেপণ প্ৰত্যক্ষ কৰিব ।

এই কাৰ্যসূচীৰ গুৰুত্বৰ কথা উল্লেখ কৰি তেওঁ কয় যে ইয়াৰ পাছত ভাৰতে মানৱৰ মহাকাশ উৰণ অভিযান আৰম্ভ কৰা চতুৰ্থখন দেশ হ'ব । ইয়াৰ পূৰ্বে, আমেৰিকা, ৰাছিয়া আৰু চীনে এই অভিযান চলাইছে । তেওঁ কয় যে গগনযান অভিযানত মহাকাশচাৰীসকলক সুৰক্ষিতভাৱে মহাকাশলৈ লৈ যোৱা আৰু তেওঁলোকক ঘূৰাই অনাত গুৰুত্ব দিয়া হ'ব । সোমনাথে কয় যে ড্ৰাগপেৰাচুট এই অভিযানৰ এটা গুৰুত্বপূৰ্ণ উপাদান । এই পেৰাচুটে ক্ৰু মডিউলটো স্থিৰ কৰাৰ লগতে পুনৰ অৱতৰণৰ সময়ত ইয়াৰ বেগ সুৰক্ষিত স্তৰলৈ হ্ৰাস কৰাত এক গুৰুত্বপূৰ্ণ ভূমিকা পালন কৰে ।

সোমনাথে আদিত্য এল-১ কাৰ্যসূচীৰ বিষয়েও মন্তব্য কৰে । তেওঁ কয় যে আদিত্য এল-১ অভিযানে যথেষ্ট উন্নত ধৰণে কাম কৰি আছে । তেওঁ আশা ব্যক্ত কৰে যে মহাকাশযানখন জানুৱাৰীৰ মাজভাগত ২০২৪ চনৰ লাগ্ৰেঞ্জ পইণ্ট (এল১)ত উপনীত হ'ব । সোমনাথে কয় যে বৰ্তমান পৃথিৱীৰ পৰা এল-১ বিন্দুলৈ যাত্ৰা কৰিবলৈ প্ৰায় ১১০ দিন লাগে । গতিকে জানুৱাৰীৰ মাজভাগলৈ মহাকাশযানখন এল-১ পইণ্টত উপনীত হ'ব । তাৰ পাছত মাহাকাশযানখন লেগ্ৰেঞ্জ পইণ্টত প্ৰৱেশ কৰিব । ইয়াক হেলো কক্ষ বুলিও কোৱা হয় ।

লগতে পঢ়ক :ISRO solar mission : অসুবিধা অবিহনে আদিত্য এল-১ৰ যাত্ৰা অব্যাহত