নেশ্যনেল ডেস্ক,১৮ মে':ভাৰতলৈ অনা হ'ব ২০০৮ চনৰ মুম্বাই সন্ত্ৰাসবাদী আক্ৰমণৰ অভিযুক্ত কানাডাৰ ব্যৱসায়ী তাহাৱুৰ ৰাণাক । আমেৰিকাৰ এখন আদালতে পাকিস্তানীমূলৰ ৰাণাক ভাৰতলৈ প্ৰত্যাৰ্পণত সন্মতি জনাইছে (US court approves extradition of Tahawwur Rana)। ভাৰতে ৰাণাক ভাৰতলৈ প্ৰত্যাৰ্পণৰ বাবে আবেদন জনাইছিল । ২০২০ চনৰ ১০ জুনত, ভাৰতে প্ৰত্যাৰ্পণৰ প্ৰতি লক্ষ্য ৰাখি ৬২ বছৰীয়া ৰাণাৰ অস্থায়ী গ্ৰেপ্তাৰ বিচাৰি এটা অভিযোগ দাখিল কৰিছিল ।
বিডেন প্ৰশাসনে ৰাণাক ভাৰতলৈ প্ৰত্যাৰ্পণৰ সমৰ্থন জনোৱাৰ লগতে আবেদনত অনুমোদন জনাইছে । আমেৰিকা যুক্তৰাষ্ট্ৰৰ কেন্দ্ৰীয় জিলা আদালতৰ দণ্ডাধীশ ন্যায়াধীশ জেকলিন চুলজিয়ানে বুধবাৰে মুকলি কৰা ৪৮ পৃষ্ঠাৰ আদালতৰ আদেশত কয় যে ন্যায়ালয়ে অনুৰোধৰ সমৰ্থনত আৰু বিৰোধিতা কৰি দাখিল কৰা সকলো নথিপত্ৰ পুনৰীক্ষণ আৰু বিবেচনা কৰা হৈছে (US court on Mumbai attack case)।
ন্যায়াধীশে কৈছে যে এনে পৰ্যালোচনা আৰু বিবেচনাৰ ওপৰত আধাৰিত কৰি ৰাণাক এই আক্ৰমণত তেওঁৰ ভূমিকাৰ বাবে ভাৰতৰ দ্বাৰা প্ৰত্যাৰ্পণৰ অনুৰোধত আমেৰিকাত গ্ৰেপ্তাৰ কৰা হৈছে ।
ভাৰতৰ ৰাষ্ট্ৰীয় অনুসন্ধান সংস্থাই (NIA) ২০০৮ চনত পাকিস্তানৰ লস্কৰ-ই-তৈয়বা সন্ত্ৰাসবাদীয়ে সংঘটিত কৰা ২৬/১১ মুম্বাই আক্ৰমণত ৰাণাৰ ভূমিকাৰ তদন্ত কৰি আছে (Mumbai terrorist attck)। NIA য়ে কৈছে যে তেওঁক কূটনৈতিক মাধ্যমৰ জৰিয়তে ভাৰতলৈ অনাৰ বাবে প্ৰক্ৰিয়া আৰম্ভ কৰিবলৈ সাজু ।
আদালতৰ শুনানিৰ সময়ত, আমেৰিকা চৰকাৰৰ অধিবক্তাসকলে যুক্তি দিয়ে যে ৰাণা অৱগত আছিল যে তেওঁৰ শৈশৱৰ বন্ধু পাকিস্তানী-আমেৰিকান ডেভিদ কোলমেন হেডলী লস্কৰ-ই-তৈবা (এলইটি)ৰ সৈতে জড়িত আছিল আৰু হেডলীক সহায় কৰি সন্ত্ৰাসবাদী সংগঠন আৰু ইয়াৰ সহযোগীসকলক সমৰ্থন কৰিছিল । ৰাণাই হেডলীৰ বিষয়ে জানিছিল । হেডলীৰ বিভিন্ন সভা, তাত হোৱা আলোচনা আৰু আক্ৰমণৰ পৰিকল্পনাৰ বিষয়েও জানিছিল (Tahawwur Rana involved in Mumbai attack)।
আমেৰিকা যুক্তৰাষ্ট্ৰৰ চৰকাৰে দৃঢ়তাৰে কয় যে ৰাণা ষড়যন্ত্ৰৰ অংশ আছিল আৰু তেওঁ এটা সন্ত্ৰাসবাদী কাৰ্যৰ মূল অপৰাধ সংঘটিত কৰাৰ সম্ভাৱ্য কাৰণ আছিল । আনহাতে ৰাণাৰ এটৰ্ণীয়ে প্ৰত্যাৰ্পণৰ বিৰোধিতা কৰে ।
উল্লেখ্য যে ২০০৮ চনৰ মুম্বাই সন্ত্ৰাসবাদী আক্ৰমণত ১০ টা পাকিস্তানী সন্ত্ৰাসবাদীয়ে ৬০ ঘণ্টাতকৈও অধিক সময় ধৰি সন্ত্ৰাস চলাইছিল । য'ত ৬০ জনতকৈও অধিক পাকিস্তানী সন্ত্ৰাসবাদীয়ে মুম্বাইৰ প্ৰতিষ্ঠিত আৰু গুৰুত্বপূৰ্ণ স্থানত লোকসকলক আক্ৰমণ কৰি হত্যা কৰিছিল । এই আক্ৰমণত ৬ গৰাকী আমেৰিকানসহ মুঠ ১৬৬ গৰাকী লোক নিহত হৈছিল (166 killed in Mumbai terrorist attack)।
ইফালে ভাৰত আৰু আমেৰিকা যুক্তৰাষ্ট্ৰৰ মাজত এক প্ৰত্যাৰ্পণ চুক্তিও আছে । যাৰ আধাৰত ন্যায়াধীশে ৰায় প্ৰদান কৰি ৰাণাক ভাৰতলৈ প্ৰত্যাৰ্পণ সম্পূৰ্ণৰূপে চুক্তিৰ অধিকাৰ ক্ষেত্ৰত আছে বুলি উল্লেখ কৰে । ন্যায়াধীশে লগতে কয় যে ভাৰতে গ্ৰেপ্তাৰী পৰোয়ানা জাৰি কৰিছে আৰু ৰাণাক বিভিন্ন অপৰাধৰ বাবে অভিযুক্ত কৰিছে । ৰাণাৰ বিৰুদ্ধে থকা অভিযোগবোৰ হৈছে ক্ৰমে আক্ৰমণ কৰাৰ ষড়যন্ত্ৰ, হত্যা, প্ৰৱঞ্চনাৰ উদ্দেশ্যে জালিয়াতি কৰা, প্ৰকৃত জাল নথি বা ইলেক্ট্ৰনিক ৰেকৰ্ড হিচাপে ব্যৱহাৰ কৰা আদি ।
লগতে পঢ়ক :Ultimatum to Imran Khans Party : সন্ত্ৰাসবাদীক হস্তান্তৰ কৰিবলৈ পিটিআইক ২৪ ঘণ্টাৰ সময়সীমা
