আগ্ৰা, ২০ ডিচেম্বৰ:উত্তৰ প্ৰদেশৰ আগ্ৰাৰ তাজনাগৰী আৰক্ষী থানাৰ অন্তৰ্গত শ্বীড নগৰত শনিবাৰে বাইকত অহা দুই দুষ্কৃতিকাৰীয়ে এজন অধিবক্তাক গুলিয়াই হত্যা কৰে ।মৃত অধিবক্তাজনক অঞ্চলটোৰে বাসিন্দা হৰিশ পাচাউৰী বুলি চিনাক্ত কৰা হৈছে ।
অধিবক্তাজন পুৱা কোনো স্থানলৈ ওলাই যাওঁতে বাইকত অহা দুষ্কৃতিকাৰী দুজনে তেওঁলৈ লক্ষ্য কৰি তিনি-চাৰিজাঁই গুলি চালনা কৰি সেই স্থানৰ পৰা পলায়ন কৰে । লগে লগে স্থানীয় লোকে পাচাউৰীক ওচৰৰ এখন চিকিৎসালয়লৈ লৈ যায় যদিও চিকিৎসালয়ত তেওঁৰ মৃত্যু হয়। এই ঘটনাৰ তথ্য লাভ কৰাৰ পাছত আগ্ৰা আৰক্ষী উক্ত স্থানত উপস্থিত হৈ তদন্ত আৰম্ভ কৰে।