উচ্চবৰ্ণীয় প্ৰেমিকাৰ পৰিয়ালৰ আক্ৰমণৰ বলি দলিত যুৱক

উত্তৰ প্ৰদেশৰ কানপুৰৰ দেহাত জিলাত সংঘটিত হৈছে এক নৃশংস ঘটনা ৷ নিম্নবৰ্ণৰ হোৱা বাবেই উচ্চবৰ্ণীয় প্ৰেমিকাৰ পৰিয়ালৰ লোকে বৰ্বৰভাৱে প্ৰহাৰ কৰিলে যুৱকক ৷

নেশ্যনেল ডেস্ক, 11 জুলাই :কানপুৰৰ দেহাত জিলাত 19 বৰ্ষীয় এজন যুৱকক বৰ্বৰভাৱে প্ৰহাৰ প্ৰেমিকাৰ পৰিয়ালৰ লোকৰ ৷ প্ৰেমিকা উচ্চবৰ্ণৰ আৰু প্ৰেমিক নিম্নবৰ্ণৰ হোৱা বাবে প্ৰেমিকাৰ পৰিয়ালৰ লোকে বাঁহৰ লাঠীৰে উপৰ্যুপৰি প্ৰহাৰ কৰে যুৱকজনক ৷ ইতিমধ্যে ঘটনা সংক্ৰান্তত শনিবাৰে তিনিজনকৈ লোকক আটক কৰিছে আৰক্ষীয়ে ৷

ঘটনাটো বৃহস্পতিবাৰেই সংঘটিত হৈছিল যদিও শুকুৰবাৰে যুৱকজনক প্ৰহাৰৰ ভিডিঅ’ সামাজিক মাধ্যমত প্ৰচাৰ হোৱাত আৰক্ষীয়ে নিজাববীয়াকৈ এক গোচৰ ৰুজু কৰে ৷ দেহাতৰ আৰক্ষী অধীক্ষক কেশৱ কুমাৰ চৌধুৰীয়ে জনোৱা অনুসৰি যুৱকজনক প্ৰহাৰ কৰা সময়ত লোককেইজনে যুৱকজন কোন জাতিৰ বুলি প্ৰশ্ন কৰে ৷ যুৱকজন অনুসুচিত জাতিৰ বুলি গম পোৱাৰ পিছতে অধিক বৰ্বৰভাৱে প্ৰহাৰ কৰে ৷

ভুক্তভোগী যুৱকজন শ্ৰৱণ শংখৱৰ বুলি জানিব পৰা গৈছে ৷

পেচাত এগৰাকী চিত্ৰশিল্পী শ্ৰৱণে প্ৰেমিকাক সাক্ষাৎ কৰিবলৈ অঘু কমলাপুৰ গাঁৱলৈ গৈছিল ৷ যুৱতীগৰাকীৰ পিতৃ সঞ্জয় বৰ্মাৰ লগতে পৰিয়ালৰ অন্যান্য সদস্যসকলৰ বিৰুদ্ধে ভাৰতীয় দণ্ডবিধিৰ অনুসূচীত জাতি/অনুসূচীত জনজাতি (নৃসংশতা ৰোধ) আইনৰ (SC/ST (Prevention of Atrocities) Act) অধীনত গোচৰ ৰুজু কৰা হৈছে ৷ ভিডিঅ’টোৰ পিৰা চিনাক্ত হোৱা তিনিজন লোকক শনিবাৰে গ্ৰেপ্তাৰ কৰা হৈছে ৷

লগতে পঢ়ক-দিল্লী পুলিচে উদ্ধাৰ কৰিলে 2500 কোটি টকা মূল্যৰ ড্ৰাগছ