Rajasthan Election 2023 : ১৫ এপ্ৰিলত কংগ্ৰেছৰ দুৰ্গ ভৰতপুৰলৈ অমিত শ্বাহ

কংগ্ৰেছ শাসিত ৰাজস্থানত বিজেপিয়ে ভেটি শক্তিশালী কৰাৰ বাবে উঠি পৰি লাগিছে (BJP strategy for Rajasthan election)। বিজেপিৰ শক্তি ভৰতপুৰত অতি দুৰ্বল বুলি প্ৰমাণিত হোৱাৰ পাছতে প্ৰথমে প্ৰধানমন্ত্ৰী নৰেন্দ্ৰ মোডী আৰু এইবাৰ কেন্দ্ৰীয় গৃহ মন্ত্ৰী অমিত শ্বাহে আগন্তুক বিধানসভা নিৰ্বাচনৰ পূৰ্বে ভৰতপুৰ ভ্ৰমণ কৰিব ।

নেশ্যনেল ডেস্ক,১১ এপ্ৰিল :ৰাজস্থানৰ বিধানসভা নিৰ্বাচন সমাগত (Rajasthan Election 2023)। ইতিমধ্যে প্ৰতিটো দলে ৰণনীতি প্ৰস্তুত কৰিছে । কেন্দ্ৰত থকা বিজেপিয়েও সকলো ফালৰ পৰা জয়ী হোৱাৰ বাবে প্ৰচেষ্টা অব্যাহত ৰাখিছে । ৰাজ্যখনৰ কেইবাখনো জিলাত বিজেপিৰ ভেটি অতি দুৰ্বল বুলি ইতিমধ্যে প্ৰমাণ হৈছে । যাৰ বাবে হাই প্ৰফাইল নেতাসকলে সেই জিলাসমূহৰ সমষ্টিবোৰলৈ গৈ নিৰ্বাচনী ৰণডংকা বজোৱা দেখা গৈছে (BJP strategy for Rajasthan election)। তাৰ ভিতৰত অন্যমত ভৰতপুৰক বিজেপিয়ে টাৰ্গেট কৰি লৈছে ।

আহি থকা নিৰ্বাচনৰ প্ৰতি লক্ষ্য ৰাখি কেন্দ্ৰীয় গৃহ মন্ত্ৰী অমিত শ্বাহে এইবাৰ ভৰতপুৰত প্ৰচাৰ চলাব । অহা ১৫ এপ্ৰিলত অমিত শ্বাহে ভৰতপুৰ ভ্ৰমণ কৰিব বুলি জানিব পৰা গৈছে (Amit Shah to visit Bharatpur Rajasthan)। ভ্ৰমণকালত গৃহ মন্ত্ৰীগৰাকীয়ে বুথ কৰ্মী সন্মিলনৰ জৰিয়তে দলৰ কৰ্মীসকলৰ সৈতে পোনপটীয়া যোগাযোগ স্থাপন কৰাৰ চেষ্টা কৰিব । ৰাজস্থানৰ ভৰতপুৰ বিজেপিৰ বাবে আটাইতকৈ দুৰ্বল শাখা বুলি চৰ্চিত হৈ আহিছে যাৰ বাবে প্ৰধানমন্ত্ৰী নৰেন্দ্ৰ মোডীৰ পাছত অমিত শ্বাহৰ ভৰতপুৰ ভ্ৰমণ অতি গুৰুত্বপূৰ্ণ বুলি গণ্য কৰা হৈছে ।

কংগ্ৰেছৰ বিধায়কৰ সংখ্যা অধিক হোৱাৰ বাবে বিজেপিৰ বুথ কৰ্মীসকলে এই অঞ্চলত কাম কৰিব পৰা নাই । সেয়েহে, অমিত শ্বাহে ভৰতপুৰত এক বিশেষ ৰণনীতিৰ অধীনত কৰ্মীসকলক পুনৰুজ্জীৱিত কৰিব বুলি বিশ্বাস কৰা হৈছে ।

ৰাজস্থানত বিজেপিয়ে ৫২,০০০ বুথত কৰ্মী নিয়োগৰ বাবে এক প্ৰচাৰ চলাই আছে । ৰাজ্যখনৰ সাতটা দলীয় শাখাৰ ভিতৰত ভৰতপুৰ শাখা বিজেপিৰ বাবে আটাইতকৈ দুৰ্বল (BJP positions in Rajasthan)। সেয়েহে, দলটোৰ গুৰুত্ব ভৰতপুৰৰ ৰাজনীতিৰ ওপৰত অধিক । যোৱা নিৰ্বাচনত, বিজেপিয়ে ১৮ খন আসনৰ ভিতৰত মাত্ৰ এখন আসনত হে জয়ী হৈছিল । অৱশ্যে ৰাজ্যসভা নিৰ্বাচনত দলৰ বিৰুদ্ধে ক্ৰছ ভোট দিয়াৰ বাবে ধলাইপুৰৰ একমাত্ৰ বিধায়িকা শ্বোভাৰাণীক দলৰ পৰা বহিষ্কাৰ কৰা হৈছিল ।

বিজেপি বিধায়কৰ অনুপস্থিতিৰ বাবে বুথ কমিটিৰ প্ৰচাৰেও গতি লাভ কৰা নাছিল । ৪৭০০ তকৈও অধিক বুথ কৰ্মী নিয়োগ কৰিব লাগিছিল কিন্তু সেই লক্ষ্যত উপনীত হ'ব পৰা নাই বিজেপি । এনে পৰিস্থিতিত এতিয়া ১৫ এপ্ৰিলত গৃহ মন্ত্ৰীয়ে ব্লক পৰ্যায়ৰ বুথ কৰ্মী সন্মিলনত বিজয়ৰ মন্ত্ৰ উচ্চাৰণৰ বাবে ভৰতপুৰলৈ আহিব । ইয়াৰ বাবে, বিজেপিয়েও ব্যাপক প্ৰস্তুতি আৰম্ভ কৰিছে (Rajasthan BJP preparation for Amit Shah program)।

ভৰতপুৰ দলীয় শাখাত ৪ খন জিলা আছে । ভৰতপুৰ, ঢোলপুৰ, কাৰাউলি আৰু চৱাই মাধোপুৰ । এই চাৰিখন জিলাত ১৯ খন বিধানসভা আসন আছে । ২০১৮ ৰ নিৰ্বাচনত, ভৰতপুৰ শাখাত বিজেপিৰ শক্তি একপ্ৰকাৰ পৰিষ্কাৰ হৈ পৰিছিল । ঢোলপুৰত শ্বোভাৰাণী কুশৱাহাৰ বাহিৰে বিজেপিয়ে এখনো আসন লাভ কৰিব পৰা নাছিল । বিজেপি এতিয়া মিছন-২০২৩ত ব্যস্ত হৈ আছে আৰু বিশ্বাস কৰা হৈছে যে, এইবাৰ সমগ্ৰ নিৰ্বাচন দিল্লীৰ পৰা নিয়ন্ত্ৰণ কৰা হ'ব । য'ৰ পৰা ৰণনীতি প্ৰস্তুত কৰা হৈছে । প্ৰধানমন্ত্ৰী নৰেন্দ্ৰ মোডী আৰু গৃহ মন্ত্ৰী অমিত শ্বাহেও দলৰ এই দুৰ্বল স্থিতিৰ ওপৰত নজৰ ৰাখিছে ।

১৫ এপ্ৰিলত অমিত শ্বাহে ভৰতপুৰ ভ্ৰমণ কৰিব যদিও তেওঁ যোৱা ফেব্ৰুৱাৰীতে এই ভ্ৰমণ নিৰ্ধাৰণ কৰা হৈছিল । কিন্তু কিছুমান কাৰণত শেষ মুহূৰ্তত তেওঁৰ এই ভ্ৰমণ পিছুৱাই দিয়া হৈছিল । অমিত শ্বাহৰ ভ্ৰমণ নিশ্চিত হোৱাৰ পাচতে ৰাজ্যিক বিজেপিয়েও ব্যাপক প্ৰস্তুতি চলাইছে । ভৰতপুৰৰ পৰা জয়পুৰলৈ বিজেপিয়ে ব্যাপক প্ৰস্তুতি চলাইছে । অমিত শ্বাহৰ ভ্ৰমণৰ প্ৰস্তুতি পৰ্যালোচনা কৰিবলৈ ভৰতপুৰ জিলাৰ ভাৰপ্ৰাপ্ত বিষয়াই কৰ্মীসকলৰ সৈতে বৈঠকত মিলিত হৈছে । বিজেপিৰ ৰাজ্যিক সভাপতি চন্দ্ৰ প্ৰকাশ যোশীয়ে জয়পুৰৰ পৰাই অমিত শ্বাহৰ কাৰ্যসূচীৰ নিৰীক্ষণ কৰি আছে ।

লগতে পঢ়ক :Amit Shah in Dibrugarh : ডিব্ৰুগড়ত বিজেপিৰ আঞ্চলিক কাৰ্যালয়ৰ ভূমি পূজনত অংশ ল'ব গৃহমন্ত্ৰী শ্বাহে