নেশ্যনেল ডেস্ক,৬ ফেব্ৰুৱাৰী :ইউনিফৰ্ম চিভিল ক'ডৰ বিষয়টো পুনৰবাৰ চৰ্চালৈ আহিছে (Uniform civil code controversy)। মুছলমানসকলৰ সৰ্ববৃহৎ সংস্থা অল ইণ্ডিয়া মুছলিম পাৰ্চনেল ল' ব'ৰ্ডে (AIMPLB) দেওবাৰে এই বিষয়ত এক গুৰুত্বপূৰ্ণ বৈঠক অনুষ্ঠিত কৰে । পৰিষদৰ প্ৰধান সচিব মৌলানা খালিদ চৈফুল্লা ৰহমানীয়ে এই বৈঠকত স্পষ্ট কৰি দিয়ে যে প্ৰথমে আলোচনাৰ জৰিয়তে ইয়াৰ সমাধানৰ প্ৰচেষ্টা কৰা হ'ব । যদি তাৰ পাচতো সমাধান নহয়, তেনেহ'লে আন উপায় গ্ৰহণ কৰা হ'ব (AIMPLB meeting on Uniform civil code)।
বৈঠকত প্ৰধান সচিব মৌলানা খালিদ চৈফুল্লাই কয় যে, ইউনিফৰ্ম চিভিল ক'ড কেৱল মুছলমানসকলৰ বিষয় নহয় । এই সন্দৰ্ভত তেওঁলোকে দেশৰ বিভিন্ন সংখ্যালঘু শ্ৰেণীৰ লোকসকলৰ সৈতে কথা পাতিব । প্ৰধান সচিবগৰাকীয়ে কয় যে, বৈঠকত বহুতো বিষয়ৰ ওপৰত বিতংভাৱে আলোচনা কৰা হৈছে । ইউনিফৰ্ম চিভিল ক'ডৰ উপৰিও দেশৰ বিভিন্ন আদালতত চলি থকা মুছলমান ব্যক্তিগত আইন সম্পৰ্কীয় গোচৰসমূহৰ বিষয়েও আলোচনা কৰা হৈছে ।
প্ৰধান সচিবগৰাকীয়ে লগতে কয় যে, দেশত ঘৃণাৰ বীজ বিয়পি পৰা বুলি অনুমান কৰা হৈছে । যদি ভাতৃত্ববোধৰ সমাপ্তি হয়, তেন্তে দেশখনে এক ডাঙৰ ক্ষতিৰ সন্মুখীন হ'ব । বৈঠকৰ জৰিয়তে চৰকাৰ, ধৰ্মীয় নেতা, আইনবিদ, ৰাজনীতিবিদসকলক ঘৃণাৰ এই জুই নুমুৱাবলৈ সহায় কৰিবলৈ আহ্বান জনোৱা হয় ।
পৰিষদৰ বৈঠকত কোৱা হৈছে যে আইনে মানৱ সমাজক সভ্যতাৰ দিশে লৈ যায় । ই উৎপীড়কসকলক ন্যায়ৰ মাজলৈ আনে, নিৰ্যাতিতসকলক ন্যায় প্ৰদান কৰে । সেয়েহে, আইনখনৰ বিৰুদ্ধে যোৱাটো উচিত নহয় । দুৰ্ভাগ্যবশতঃ, আইনখন সম্পূৰ্ণৰূপে কাৰ্যকৰী নকৰাকৈ দেশত ঘৰবোৰ ভাঙি পেলোৱা হৈছে । সাংবিধানিক অধিকাৰ প্ৰয়োগ কৰা সকলক গ্ৰেপ্তাৰ কৰা হৈছে । তেওঁলোকক অপৰাধ প্ৰমাণ নকৰাকৈ কাৰাগাৰত ৰখা হৈছে ।
দেশৰ সংবিধান সমতা, ন্যায় আৰু স্বাধীনতাৰ ওপৰত নিৰ্ভৰশীল । এই নীতিবোৰ বজাই ৰখাটো চৰকাৰৰ লগতে ন্যায়ালয়ৰ দায়িত্ব । দৰিদ্ৰ আৰু সংখ্যালঘুসকলৰ প্ৰতি হোৱা অন্যায়ৰ বুজ ল'বলৈ এই বৈঠকৰ জৰিয়তে আদালতক আহ্বান জনোৱা হৈছে ।
বৈঠকত কোৱা হৈছে যে দেশৰ সংবিধানত, নাগৰিকসকলক তেওঁৰ ধৰ্ম পালন কৰাৰ স্বাধীনতা দিয়া হৈছে । ইয়াত ব্যক্তিগত আইন অন্তৰ্ভুক্ত থাকে । এই বিষয়টো আঁতৰাবলৈ চৰকাৰক আবেদন কৰা হৈছে (AIMPLB will take support of political parties)। কিয়নো ই দেশক লাভান্বিত নকৰে বুলি বৈঠকত কোৱা হৈছে । লগতে দেশৰ অন্যান্য গুৰুত্বপূৰ্ণ সমস্যাবোৰৰ প্ৰতি মনোযোগ দিবলৈ আহ্বান জনোৱা হৈছে । ১৯৯১ চনৰ উপাসনাস্থলী সম্পৰ্কীয় আইনখন চৰকাৰে নিজেই প্ৰস্তুত কৰা আইন । ইয়াক বজাই ৰখাটো চৰকাৰৰ কৰ্তব্য বুলিও বৈঠকত কোৱা হৈছে ।
লগতে পঢ়ক :Visa appointment for abroad: ভিছাৰ বাবে এতিয়া চিন্তা নাই; দিল্লীস্থিত আমেৰিকাৰ দূতাবাসে আগবঢ়াইছে বিশেষ সুবিধা
