Russia-Ukraine Crisis : নতুন দিল্লীলৈ উভতিল এয়াৰ ইণ্ডিয়াৰ বিমান

বৃহস্পতিবাৰে ৰাছিয়াৰ ৰাষ্ট্ৰপতি ভ্লাদিমিৰ পুটিনে ইউক্ৰেইনত সামৰিক অভিযান ঘোষণা কৰাৰ কেইঘণ্টামান পিছতে এয়াৰ ইণ্ডিয়াৰ AI ১৯৪৭ নং বিমানখন দিল্লীলৈ (Air India flight to back to Delhi due to NOTAM) উভতি আহে । ইউক্ৰেইনৰ কিয়েভত NOTAM (Notice to Air Missions) লাভ কৰাৰ পিছতে এই পদক্ষেপ গ্ৰহণ কৰা হৈছে ।

নেশ্যনেল ডেস্ক, 24 ফেব্ৰুৱাৰী :ৰাছিয়াৰ ৰাষ্ট্ৰপতি ভ্লাদিমিৰ পুটিনে পূৱ ইউক্ৰেইনৰ বিচ্ছিন্নতাবাদী অধিকৃত অঞ্চল ডনবাছক সুৰক্ষা দিবলৈ এক বিশেষ সামৰিক অভিযানৰ ঘোষণা কৰিছে ৷ বৃহস্পতিবাৰে সংবাদ মাধ্যমৰ প্ৰতিবেদনত প্ৰকাশ কৰা হৈছে এই কথা ৷ জৰুৰীকালীন ভাষণ প্ৰদান কৰি পুটিনে দেশখনক অসামৰিককৰণৰ বাবে অভিযান আৰম্ভ কৰা হোৱা বুলি ঘোষণা কৰে ৷

পুটিনৰ এই ঘোষণাৰ কেইঘণ্টামান পিছতে এয়াৰ ইণ্ডিয়াৰ AI ১৯৪৭ নং বিমানখন দিল্লীলৈ (Air India flight to back to Delhi due to NOTAM) উভতি আহে । উল্লেখ্য যে, ইউক্ৰেইনৰ কিয়েভত NOTAM (Notice to Air Missions) লাভ কৰাৰ পিছতে এই পদক্ষেপ গ্ৰহণ কৰা হৈছে ৷

পূৰ্বে ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিয়ে প্ৰকাশ কৰিছিল যে, ইউক্ৰেইনে ৰাছিয়াৰ বাবে কোনো ধৰণৰ ভাবুকি সৃষ্টি কৰা নাই আৰু ভৱিষ্যতেও নকৰে ।

" পূৰ্বে এনেকুৱা নাছিল, এতিয়াও এনেকুৱা নহয় আৰু ভৱিষ্যতেও এনে নহ'ব । আপোলাকে নাটোৰ পৰা সুৰক্ষা নিশ্চিত কৰাৰ দাবী কৰিছে । আমিও আমাৰ নিৰাপত্তাৰ নিশ্চয়তা দাবী কৰো, আপোনাৰ পৰা, ৰাছিয়াৰ পৰা " এক ভিডিঅ'যোগে পুটিনক উদ্দেশ্যি এইদৰে কয় জেলেনস্কিয়ে (Zelenskyy's video message to Putin) ৷

লগতে চাওক:Russia Ukraine crisis: কি হ’ব ভাৰতৰ স্থিতি ?