নেশ্যনেল ডেস্ক,১৭ ফ্ৰেব্ৰুৱাৰী: বৃহস্পতিবাৰে হাৰিয়ানাৰ ভিৱানী জিলাত পোহৰলৈ আহে এক শোকাবহ খবৰ । ভস্মীভূত অৱস্থাত এখন ব'লেৰ' বাহনত উদ্ধাৰ কৰা হয় দুটাকৈ কংকাল(Two skeletons found in the submerged Bolero) । স্থানীয় ৰাইজে ঘটনা সন্দৰ্ভত গম পোৱাৰ লগে লগে ঘটনাস্থলীলৈ গৈ আৰক্ষীক খবৰ দিয়ে । লগে লগে ভিৱানী আৰক্ষী, এফএছএল, চিআইএ আৰু চাইবাৰ চেলৰ এটা দল ঘটনাস্থলীত উপস্থিত হৈ তদন্ত আৰম্ভ কৰে ।
ঘটনা সন্দৰ্ভত লোহাৰুৰ ডিএছপি জগত সিঙে কয় যে যেতিয়া আৰক্ষীৰ দলটো ঘটনাস্থলীত উপস্থিত হৈছিল, তেতিয়া তেওঁলোকে এখন ভস্মীভূত ব'লেৰ' বাহন উদ্ধাৰ কৰিছিল(Two mysteriously burnt alive in Haryana) । য'ত দুটা কংকালো আছিল । ব'লেৰ'খনত হয়তো অগ্নিসংযোগ হৈছিল আৰু দুয়োজন লোক জীৱন্তে অগ্নিদগ্ধ হৈছিল(Two youths burnt alive in bhiwani) । উপ আৰক্ষী অধীক্ষকগৰাকীয়ে সম্ভাৱনা ব্যক্ত কৰিছিল যে তেওঁলোক দুয়োকে তেওঁলোকৰ হাত-ভৰি বান্ধি বাহনৰ ভিতৰত বহাই ব'লেৰ'খনত অগ্নিসংযোগ কৰা হৈছে ।
এই সন্দৰ্ভত উপ আৰক্ষী অধীক্ষকগৰাকীয়ে কয় যে বৰ্তমান যিহেতু তদন্ত চলি আছে, গতিকে এতিয়াই একো ক'ব নোৱাৰি । তেওঁ কৈছিল যে আৰক্ষীয়ে বিষয়টো প্ৰতিটো দিশৰ পৰা অনুসন্ধান কৰি আছে । ইফালে ব'লেৰ'খনৰ নম্বৰ প্লেটো উদ্ধাৰ কৰা হোৱা নাই বুলি উল্লেখ কৰে উপ আৰক্ষী অধীক্ষকগৰাকীয়ে । লগতে কংকাল দুটা কাৰ সেয়াও বৰ্তমানলৈ চিনাক্ত কৰিব পৰা হোৱা নাই । সমগ্ৰ ঘটনাটোৰ বৰ্তমান তদন্ত চলি আছে । বাহনখন চেচিছ নম্বৰৰ জৰিয়তে চিনাক্ত কৰি, বাহনখনৰ গৰাকীৰ পৰিচয় উদ্ধাৰৰ বাবে আৰক্ষীয়ে চেষ্টা অব্যাহত ৰাখিছে । ঘটনাৰ উপযুক্ত তথ্যৰ সন্ধানত ঘটনাস্থলীৰ চাৰিওফালে থকা চিচিটিভি কেমেৰাবোৰ পৰীক্ষা কৰা হৈছে ।