ওড়িশা-অন্ধ্ৰপ্ৰদেশৰ সীমাত নিৰাপত্তাৰক্ষীৰে হোৱা সংঘৰ্ষত দুই মাওবাদী নিহত

অন্ধ্ৰপ্ৰদেশ সীমান্তত নিৰাপত্তাৰক্ষীৰে হোৱা গুলিয়াগুলিত নিহত হৈছে দুগৰাকী মাওবাদী ৷ দেওবাৰে পুৱতি নিশা এই গুলিয়াগুলিৰ ঘটনা সংঘটিত হৈছে ৷

নেচনেল ডেস্ক, 13 ডিচেম্বৰ:দেওবাৰে ওড়িশাৰ মালকানগিৰি জিলাৰ স্বাভিমান অঞ্চলত নিৰাপত্তাৰক্ষীৰে হোৱা সংঘৰ্ষত এগৰাকী মহিলা সহ দুগৰাকী মাওবাদী নিহত হয় ৷ ডিজিপি অভয়ে য়ে জানিবলৈ দিয়া মতে স্বাভিমান অঞ্চলৰ গজলমামুদি অঞ্চলত মাওবাদী আৰু এচঅ'জি ৰ মাজত হোৱা গুলিয়াগলিত এই ঘটনা সংঘটিত হয় ৷ তেওঁ কয় যে মাওবাদী সকলে তেওঁলোকৰ ওপৰত গুলীবৰ্ষণ কৰাৰ পাছতে এচঅ'জি ৰ দলটোৱে প্ৰত্যাক্ৰমণ কৰে ৷

উক্ত অঞ্চলৰ পৰা নিৰপত্তাৰক্ষীয়ে বৃহৎ পৰিমাণৰ বিস্ফোৰকৰ লগতে মাওবাদীসকলৰ সামগ্ৰী জব্দ কৰিছে ৷ মাওবাদী সকলক ওড়িশা আৰক্ষীৰ হাতত আত্মসমৰ্পনৰ বাবে আহ্বান জনাই ডিজিপি অভয়ে কয় যে স্বাভিমান অঞ্চলৰ পৰা মাওবাদী সকলক আঁতৰ কৰাৰ বাবে ওড়িশা আৰক্ষী প্ৰতিশ্ৰুতিবদ্ধ ৷

লগতে পঢ়ক:সংসদ ভৱন আক্ৰমণৰ শ্বহীদক স্মৰণ বিভিন্নজনৰ