নেশ্যনেল ডেস্ক, 26এপ্ৰিল:উত্তৰ প্ৰদেশৰ মেৰঠৰ এখন ব্যক্তিগত চিকিৎসালয়ৰ দুগৰাকী কৰ্মচাৰীয়ে চিকিৎসালয়ৰ পৰা ৰেমডেচিভিৰ বেজী লৈ গৈ বিক্ৰী কৰাৰ অভিযোগত গ্ৰেপ্তাৰ কৰা হৈছে ৷ চিকিৎসালয় খনত কৰ্মৰত পুৰুষ কৰ্মচাৰী গৰাকীয়ে চিকিৎসালয়ৰ পৰা গোপনে নি মুকলি বজাৰত উক্ত বেজীটো ৩২,০০০ টকাত বিক্ৰী কৰিছে ৷
প্ৰাপ্ত তথ্য অনুসৰি, চিকিৎসালয় খনৰ পুৰুষ কৰ্মচাৰী গৰাকীয়ে প্ৰায় 900-2000 টকা মূল্যৰ ঔষধ নিলামৰ বাবে মজুত কৰি ৰাখিছিল ৷ অৱশেষত চিকিৎসালয় খনত চিকিৎসাধীন হৈ থকা ৰোগীৰ আত্মীয়ৰ অভিযোগৰ ভিত্তিত আটক হয় মেৰঠৰ এখন ব্যক্তিগত চিকিৎসালয়ৰ দুই কৰ্মচাৰী ৷
উল্লেখ্য যে, চিকিৎসালয় খনত চিকিৎসাধীন হৈ থকা জৈন নামৰ ৰোগী গৰাকীক সংকটজনক অৱস্থাত চিকিৎসকে চাৰিপালি ৰেমডেচিভিৰ বেজী দিবলৈ কৈছিল ৷ কিন্তু দায়িত্বত থকা নাৰ্চ গৰাকীয়ে চাৰি পালিৰ সলনি তিনি পালি দি বাকী এপালি ৰেমডেচিভিৰ বেজী নিজৰ লগত মজুত ৰাখিছিল ৷ যাৰ ফলত মৃত্যুক আকোৱালি ল’ব লগাত পৰিছিল ৰোগী গৰাকী ৷ পৰৱৰ্তী সময়ত ৰোগীৰ আত্মীয়ৰ অভিযোগৰ ভিত্তিত আৰক্ষীয়ে গোপনে আৰম্ভ কৰে তদন্ত ৷ এই তদন্তৰ ভিত্তিতেই আৰক্ষীয়ে আটক কৰিবলৈ সক্ষম হয় মেৰঠৰ এখন ব্যক্তিগত চিকিৎসালয়ৰ দুই কৰ্মচাৰীক ৷
লগতে পঢ়ক:মধ্য প্ৰদেশত নিৰ্মাণ হ’ব 200 কোটিটকীয়া ৰূপৰ মন্দিৰ
