নিউজ ডেস্ক, 6 অক্টোবৰ:অৱশেষত টুইটাৰে এটা সম্পূৰ্ণ নতুন বৈশিষ্ট্য মুকলি কৰিছে যিয়ে ব্যৱহাৰকাৰীসকলক Android আৰু iOS দুয়োটা ডিভাইচতে এটা টুইটত গিফ, ফটো, ভিডিঅ’, আৰু মিমসমূহ একত্ৰিত কৰিবলৈ অনুমতি দিব (Twitter allows users to add multiple types) । এটা ব্লগ পোষ্টত কোম্পানীটোৱে কয় যে, তেওঁলোকে সকলোকে এটা টুইটত একাধিক প্ৰকাৰৰ মিডিয়া শ্বেয়াৰ কৰাৰ ক্ষমতা প্ৰদান কৰিছে (Twitter Feature) ।
বুধবাৰে সন্ধিয়া কোম্পানীটোৱে ব্লগ পোষ্টত কয় যে, “এই বৈশিষ্ট্যটো আইঅ’এছ আৰু এণ্ড্ৰইডলৈ বিশ্বজুৰি ৰ’ল আউট হ’ব, ৱেবত মিক্সড মিডিয়া টুইট চোৱাৰ সুযোগ থাকিব ।” এপ্ৰিল মাহত প্ৰথমবাৰৰ বাবে ৰিভাৰ্ছ ইঞ্জিনিয়াৰ আলেছান্দ্ৰ’ পালুজিয়ে এই বৈশিষ্ট্যটো প্ৰত্যক্ষ কৰিছিল ।
এজন ব্যৱহাৰকাৰীয়ে প্ৰতিটো টুইটত চাৰিটা ভিডিঅ’, ছবি, আৰু/বা GIF যোগ কৰিব পাৰে । বৰ্তমান iOS আৰু Android ত এই আপডেট উপলব্ধ, অৱশ্যে বিভিন্ন ধৰণৰ কন্টেন্টৰ টুইট সকলো প্লেটফৰ্মতে ব্যৱহাৰ কৰিব পাৰি (Twitteratis Can Use Photos, Videos, GIF) ।