নিউজ ডেস্ক, 4 ডিচেম্বৰ: এজন ব্যক্তিয়ে দুগৰাকী বা ততোধিক মহিলাক বিয়া কৰোৱা দেখিছে অথবা শুনিছে ৷ অথবা এগৰাকী মহিলাই কেইবাগৰাকীও পুৰুষলৈ বিয়া হৈ যোৱাও আপুনি দেখিছে ৷ কিন্তু আজি আমি আপোনালোকক এনে এখন বিবাহ দেখুৱাম যি দেখি আপুনিও হয়তো আচৰিত হৈ পৰিব ৷ হয়, মহাৰাষ্ট্ৰৰ চলাপুৰ জিলাৰ এখন বিবাহে এতিয়া দেশজুৰি লাভ কৰিছে ব্যাপক চৰ্চা ৷ সামাজিক মাধ্যমতো ইতিমধ্যে ভাইৰেল হৈ পৰিছে এই বিশেষ বিয়াখনৰ কিছু দৃশ্যাংশ ৷
এজন যুৱকে বিয়া কৰালে যমজ ভগ্নীক
এতিয়া আহিছো মূল প্ৰসংগলৈ ৷ দৰা এজনেই কিন্তু কইনা দুগৰাকী ৷ কিন্তু আচৰিত হ’ব লগা কথাটো হ’ল যে দৰাজনে বিয়া কৰোৱা দুয়োগৰাকী কইনাই যমজ ভগ্নী(twin sisters marry same man) ৷ পিংকী আৰু ৰিংকী নামৰ দুয়োগৰাকী যমজ ভগ্নী কৰ্মৰত IT ইঞ্জিনিয়াৰ হিচাপে আৰু দুয়োগৰাকী ভগ্নীয়েই একে দিনাই বিবাহপাশত আবদ্ধ হ’ল অতুল নামৰ যুৱকজনৰ সৈতে ৷