নেশ্যনেল ডেস্ক,২৫ মে':'ক'ভিড টুলকিট' সন্দৰ্ভত কৰা অভিযোগৰ তদন্ত সন্দৰ্ভত দিল্লী আৰক্ষীয়ে টুইটাৰ ইণ্ডিয়ালৈ জাননী প্ৰেৰণ কৰাৰ পিছতে বিশেষ টুইট কংগ্ৰেছ নেতা ৰাহুল গান্ধীৰ । মঙলবাৰে টুইট কৰি ৰাহুল গান্ধীয়ে কয় যে সত্যই ভয় নকৰে ।
দিল্লী আৰু গুৰগাঁৱত টুইটাৰৰ কাৰ্যালয়ত দুটা আৰক্ষীৰ দলৰ অভিযানৰ পিছতে কংগ্ৰেছে সোমবাৰে অভিযোগ কৰে যে বিজেপি নেতাসকলৰ "প্ৰৱঞ্চনামূলক টুলকিট" লুকুৱাবলৈ দিল্লী আৰক্ষীয়ে মাইক্ৰ'ব্লগিং ছাইটৰ কাৰ্যালয়ত অভিযান চলাই কাপুৰুষালি প্ৰকাশ কৰিছে ।