আগৰতলা, ১৭ ডিচেম্বৰ :বিজেপিৰ পৰা তৃণমূল কংগ্ৰেছত যোগদান কৰা ত্ৰিপুৰাৰ বিধায়ক আশীষ দাসে(Tripura MLA Asish Das) শুকুৰবাৰে আগৰতলাত গান্ধীৰ প্ৰতিমূৰ্তিৰ সন্মুখত ধৰ্ণাত বহি ৰাজ্যখনৰ শিক্ষা ব্যৱস্থাক ৰক্ষা কৰাৰ দাবী জনায় বিপ্লৱ দেৱৰ নেতৃত্বাধীন ৰাজ্য চৰকাৰক(Biplav Deb government in Tripura) । প্ৰতিবাদকাৰী সকলৰ হাতে হাতে থকা প্লেকাৰ্ডত লিখা আছিল "শিক্ষাক বচাওক", "এই যুঁজ সোঁফালৰ বাবে", "শিশুৰ ভৱিষ্যত সুৰক্ষিত কৰিবলৈ শিক্ষা ব্যৱস্থাক ৰক্ষা কৰক" আদি শ্লোগান ।
পিছত সাংবাদিকৰ সৈতে হোৱা বাৰ্তালাপত বিধায়ক দাসে কয়, '' চৰকাৰে শিক্ষা ব্যৱস্থাৰ ব্যক্তিগতকৰণৰ বাবে এক নীতি অনুসৰণ কৰি আছে । ফলস্বৰূপে, শিক্ষাৰ ক্ষেত্ৰখন দুৰ্যোগৰ মুখা-মুখি হ’ব । চৰকাৰে বিদ্যাজ্যোতি প্ৰকল্পৰ জৰিয়তে ১০০ খন বিদ্যালয়ৰ ব্যক্তিগতকৰণৰ সিদ্ধান্ত লৈছে(privatization of education in Tripura) । সেয়েহে ৰাজ্যৰ মুখ্যমন্ত্ৰী আৰু শিক্ষামন্ত্ৰীক একোখন পত্ৰ যোগে ইয়াক বাতিল কৰিবলৈ কোৱা হৈছে, কিন্তু আশ্চৰ্যজনকভাৱে এতিয়ালৈকে মুখ্যমন্ত্ৰী আৰু শিক্ষামন্ত্ৰীৰ পৰা কোনো সঁহাৰি পোৱা হোৱা নাই আৰু এই নীতিটো বাতিল হোৱা নাই ।''