আগৰতলা,১৮ ফেব্ৰুৱাৰী :এইবাৰ চন্দ্ৰত মাটি ক্ৰয় কৰিলে ত্ৰিপুৰাৰ এজন মটৰ মেকানিকে (Tripura man claims purchase of land on moon)। চন্দ্ৰত ৩ একৰ ভূমি ক্ৰয় কৰিছে লোকজনে । হয় আচৰিত যেন লাগিলেও এই কথা দাবী কৰিছে ত্ৰিপুৰাৰ লোকজনে । এই দাবী কৰা লোকজনৰ নাম চম্পক দেৱনাথ । তেওঁৰ ঘৰ ত্ৰিপুৰাৰ পশ্চিম জিলাৰ মোহনপুৰ মহকুমাৰ অন্তৰ্গত তুলাবাগান গাঁৱত ।
ইয়াৰ পূৰ্বে ত্ৰিপুৰাৰে আন এগৰাকী ব্যক্তিয়ে দাবী কৰিছিল যে তেওঁ মাটি ক্ৰয় কৰিছে । সাংবাদিকৰ সন্মুখত চম্পকে কয় যে, তেওঁ সামাজিক মাধ্যমৰ জৰিয়তে চন্দ্ৰত মাটি ক্ৰয়ৰ বিষয়টো গম পাইছিল । তেওঁৰ ৰাজ্যৰে এজন লোকে চন্দ্ৰত মাটি কিনা কথাটো যেতিয়া গম পাইছিল তেতিয়া তেওঁ নিজেও মাটি ক্ৰয়ৰ সিদ্ধান্ত লৈছিল । বিষয়টো চম্পকে তেওঁৰ ভাতৃ জয়ন্ত দেৱনাথক অৱগত কৰিছিল । ইণ্টাৰনেটত তেওঁ বিষয়টো অনুসন্ধান চলাইছিল ।