আগৰতলা, ২৭ ছেপ্টেম্বৰ :ত্ৰিপুৰা উচ্চ ন্যায়ালয়ে সোমবাৰে ৰাজ্যিক নিৰ্বাচন আয়োগক ব্ৰু লোকসকলৰ নাম সোনকালে ভোটাৰ তালিকাত অন্তৰ্ভুক্ত কৰাৰ প্ৰক্ৰিয়া সম্পূৰ্ণ কৰিবলৈ নিৰ্দেশ দিছে (Tripura High Court direction about Bru people)। আনহাতে, আবেদনকাৰীসকলৰ অভিযোগ বিবেচনা কৰি আইন অনুসৰি গাঁও পৰিষদৰ (ভিচি) নিৰ্বাচন অনুষ্ঠিত কৰিবলৈও নিৰ্দেশ দিয়ে (enrolling names of Bru people in voter list)।
নিৰ্দেশটোত ন্যায়াধীশ অৰিন্দম লোধে কয় যে আবেদনকাৰীসকল ব্ৰু (ৰিয়াং) সম্প্ৰদায়ৰ । বৰ্তমান তেওঁলোকে ত্ৰিপুৰাত বসতি স্থাপন কৰিছে আৰু ত্ৰিপুৰা জনজাতীয় অঞ্চল স্বায়ত্তশাসিত জিলা পৰিষদ অঞ্চলৰ ভিতৰত বাস কৰি আছে (Tripura Tribal Areas Autonomous district council) ।
লগতে আৰু কয় যে আবেদনকাৰীসকলৰ অভিযোগ যে চুক্তি অনুসৰি ত্ৰিপুৰাত অনুষ্ঠিত যিকোনো নিৰ্বাচনৰ বাবে ভোটাৰ তালিকাত তেওঁলোকৰ নাম অন্তৰ্ভুক্ত কৰাৰ দায়িত্ব ৰাজ্যিক নিৰ্বাচন আয়োগৰ আছে আৰু ভোটাৰ তালিকাত তেওঁলোকৰ নাম অন্তৰ্ভুক্ত নকৰাকৈ কোনো নিৰ্বাচন অনুষ্ঠিত কৰিব নোৱাৰিব (Tripura HC directed SEC of Tripura) ।
"এইটো তেওঁলোকৰ ব্যাপক অভিযোগ যে ৰাজ্যিক নিৰ্বাচন আয়োগে এই বছৰৰ ১৬ ছেপ্টেম্বৰত খচৰা ভোটাৰ তালিকা প্ৰকাশ কৰিছে । তেওঁলোকে এই খচৰা ভোটাৰ তালিকাত নাম অন্তৰ্ভুক্ত কৰা প্ৰক্ৰিয়া সম্পন্ন কৰিছিল যদিও পৰৱৰ্তী সময়ত তেওঁলোকে দেখে যে তেওঁলোকৰ নাম ৰাজ্যিক নিৰ্বাচনী তালিকাত অন্তৰ্ভুক্ত কৰা হোৱা নাই ।" ৰায়টোত এনেদৰে উল্লেখ কৰা হৈছে ।
উল্লেখ্য, বৰ্তমানলৈকে প্ৰায় ২১৭০৩ জন যোগ্য ব্ৰু প্ৰব্ৰজনকাৰীৰ ভিতৰত ৫০০৯ জন ব্যক্তিক বিভিন্ন স্থানত ভোটাৰ তালিকাত অন্তৰ্ভুক্ত কৰা হৈছে ৷ পৰ্যবেক্ষণৰ পিছত ন্যায়াধীশ লোধে আদালতৰ দৃষ্টি আকৰ্ষণ কৰি দাখিল কৰে যে, এজন নাগৰিকৰ নাম এই ভিত্তিত বাদ দিব নোৱাৰি যে তেওঁৰ নাম আৰঅ'আৰত লিপিবদ্ধ কৰা হোৱা নাই বা তেওঁ ঘৰ নিৰ্মাণ কৰিছেনে নাই ।
"গৃহ নিৰ্মাণ সম্পূৰ্ণ কৰাটো ভোটাৰ তালিকাত এই সম্প্ৰদায়ৰ লোকসকলক অন্তৰ্ভুক্ত বা বাদ দিয়াৰ আধাৰ হ'ব নোৱাৰে । ৰাজ্যিক নিৰ্বাচন আয়োগে ব্ৰু (ৰিয়াং) সম্প্ৰদায়ৰ সকলো ব্যক্তিৰ নাম আৰঅ'আৰত তেওঁলোকৰ নাম নিৰ্বিশেষে বা তেওঁ স্থায়ীভাৱে এটা নিৰ্মিত ঘৰত বাস কৰি আছেনে নাই সেইটো নিৰ্বিশেষে ভোটাৰ তালিকাত অন্তৰ্ভুক্ত কৰাৰ দায়িত্ব বহন কৰিছে’’ বুলি তেওঁ কয় ।
চতুৰ্ভুজ চুক্তিৰ অধীনত, ব্ৰু (ৰিয়াং) সম্প্ৰদায়ৰ ব্যক্তিক ভোটাৰ তালিকাত অন্তৰ্ভুক্ত কৰিব লাগিব (Bru community right to electoral roll) । চুক্তিখনৰ এই ধাৰাটোৰ উদ্দেশ্য হৈছে তেওঁলোকক ত্ৰিপুৰা ৰাজ্যৰ নাগৰিক হিচাপে গণ্য কৰা, তেওঁলোকে তেওঁলোকৰ ভোটাধিকাৰ প্ৰয়োগ কৰাৰ অধিকাৰ প্ৰদান কৰিছে বুলি ন্যায়ালয়ে কয় ।
"মই বিবেচনা কৰিছোঁ যে নিৰ্বাচন প্ৰক্ৰিয়া আৰম্ভ কৰা হোৱা নাই । ভোটাৰ তালিকা প্ৰস্তুত কৰাৰ প্ৰক্ৰিয়া চলি আছে । ইয়াৰ পৰিপ্ৰেক্ষিতত, মই ৰাজ্যিক নিৰ্বাচন আয়োগক আবেদনকাৰীসকলৰ অভিযোগ বিবেচনা কৰি আইন অনুসৰি নিৰ্বাচন অনুষ্ঠিত কৰাৰ প্ৰক্ৰিয়া দ্ৰুততাৰে সম্পূৰ্ণ কৰিবলৈ নিৰ্দেশ দিছোঁ ।" নিৰ্দেশটোত এনেদৰে উল্লেখ কৰা হৈছে ।
লগতে পঢ়ক :ঘৰতে বহি চাওক উচ্চতম ন্যায়ালয়ৰ বিচাৰ প্ৰক্ৰিয়া
