আগৰতলা, ২৬ মে':সমগ্ৰ দেশৰ লগতে ত্ৰিপুৰাৰ ভিন্ন প্ৰান্তত অব্যাহত আছে কৰ'ণাৰ সংক্ৰমণ । আক্ৰান্তৰ সংখ্যা বৃদ্ধি হোৱাৰ লগে লগে হাস্পতালসমূহত ৰোগী ৰখাৰ বাবে ঠাইৰ অভাৱ হোৱা পৰিলক্ষিত হৈছে । তেনেস্থলত ৰাজ্য চৰকাৰে বিকল্প উপায় গ্ৰহণ কৰিছে । ইয়াৰ মাজতে চৰকাৰে ৰাজ্যৰ জিঞ্জাৰ হোটেলক পেইড ক'ভিড কেয়াৰ চেণ্টাৰ ঘোষণা কৰিছে । কিন্তু চৰকাৰৰ এই পদক্ষেপত সন্তুষ্ট নহয় বিৰোধী ।
চিপিআই(এম) দলে চৰকাৰৰ এই সিদ্ধান্তক সমালোচনা কৰা দেখা গৈছে । লগতে এই সিদ্ধান্তক অমানৱীয় বুলি অভিহিত কৰি স্বাস্থ্যসেৱাক চৰকাৰে ব্যক্তিগতকৰণ কৰাৰ চেষ্টা চলোৱা বুলি অভিযোগ উত্থাপন কৰিছে ।
ক'ভিড স্বাস্থ্যসেৱাক ব্যক্তিগতকৰণ কৰাৰ চেষ্টা এক প্ৰেছ বিবৃতিযোগে চিপিআই(এম) দলে চৰকাৰৰ এই সিদ্ধান্তৰ বিৰোধিতা কৰে । সমান্তৰালকৈ ৰাজ্যত চিকিৎসালয় আৰু অন্যান্য সুবিধাসমূহৰ সম্প্ৰসাৰণৰ জৰিয়তে ক'ভিড চিকিৎসাৰ দ্ৰুত উন্নীতকৰণৰ দাবী জনায় । দলটোৱে লগতে অভিযোগ কৰে যে কেন্দ্ৰীয় চৰকাৰে ৰাজ্যখনত কৰ'ণাৰ পৰীক্ষা আৰু টীকাকৰণৰ দাবীকো অশ্বীকাৰ কৰিবলৈ চেষ্টা কৰিছে ।
কোটি কোটি জনতাৰ জীৱন ৰক্ষাৰ বাবে মোডী চৰকাৰে কেৱল দুটা ব্যক্তিগত সংগঠনক উচ্চ লাভালাভৰ বাবে ভেকছিন নিৰ্মাণ কৰিবলৈ অনুমতি দিছে বুলিও অভিযোগ কৰে । ভাৰতে শেহতীয়াকৈহে পালছ পলিঅ'ৰ দৰে আটাইতকৈ ডাঙৰ টীকাকৰণ অভিযান সম্পূৰ্ণ কৰিছে বুলিও চৰকাৰৰ বিৰুদ্ধে বিবৃতিটোত প্ৰকাশ কৰে ।
লগতে পঢ়ক:ফেচবুক প’ষ্টৰে প্ৰধানমন্ত্ৰীক তুচ্ছ-তাচ্ছিল্য প্ৰিয়ংকা গান্ধীৰ
