আগৰতলা,২৪ আগষ্ট :অতি শীঘ্ৰে ত্ৰিপুৰা আৰু বাংলাদেশৰ মাজত আৰম্ভ হ'ব বিমান সেৱা (Flight services between Tripura and Bangladesh)। ইতিমধ্যে ত্ৰিপুৰা চৰকাৰে বাংলাদেশৰ চিটাগঙলৈ আন্তঃৰাষ্ট্ৰীয় বিমান সেৱা আৰম্ভ কৰাৰ সিদ্ধান্ত লৈছে (Flight service to start from Agartala to Chittagong)। এই সিদ্ধান্ত সম্পৰ্কে ত্ৰিপুৰাৰ তথ্য আৰু সাংস্কৃতিক পৰিক্ৰমা মন্ত্ৰী সুশান্ত চৌধুৰীয়ে মঙলবাৰে ঘোষণা কৰে ।
সংবাদমেল সম্বোধন কৰি মন্ত্ৰীগৰাকীয়ে কয় যে ত্ৰিপুৰাৰ মুখ্যমন্ত্ৰী ডাঃ মানিক সাহাৰ নেতৃত্বত কেবিনেট বৈঠক অনুষ্ঠিত হৈছে (Tripura cabinet decision)। য'ত অতি সোনকালে ত্ৰিপুৰাৰ আগৰতলা আৰু বাংলাদেশৰ চিটাগঙৰ মাজত বিমান যোগাযোগ আৰম্ভ কৰাৰ সিদ্ধান্ত লোৱা হৈছে । মন্ত্ৰীগৰাকীয়ে উল্লেখ কৰা মতে উড়ান আন্তঃৰাষ্ট্ৰীয় বিমান আঁচনিৰ (UDAAN International flight scheme) অধীনত ভাৰত চৰকাৰে ত্ৰিপুৰাক অনুমতি দিয়াৰ লগে লগে এই সেৱাসমূহ আৰম্ভ কৰিবলৈ চৰকাৰ তৎপৰ হৈছে ।