TMC leader Dead : হাওৰাত তৃণমূল কংগ্ৰেছৰ নেতাক গুলীয়াই হত্যা

হাওৰাত তৃণমূল কংগ্ৰেছৰ সংখ্যালঘু কোষ (Trinamool Congress’s minority cell)ৰ সম্পাদক ৱাজহুল খানক গুলীয়াই হত্যা(TMC leader Dead) কৰা হৈছে ৷ ঘটনাৰে জড়িত থকাৰ সন্দেহত তিনিজন লোকক কৰায়ত্ত কৰিছে আৰক্ষীয়ে ৷

নেশ্যনেল ডেস্ক, 23 নৱেম্বৰ : হাওৰাত তৃণমূল কংগ্ৰেছৰ সংখ্যালঘু কোষ (Trinamool Congress’s minority cell)ৰ সম্পাদকক গুলীয়াই হত্যা(TMC leader Dead) ৷ মঙলবাৰে কেইজনমান অচিনাক্ত দুৰ্বৃত্তই গুলীয়াই হত্যা কৰে তৃণমূল কংগ্ৰেছৰ সংখ্যালঘু কোষৰ সম্পাদক ৱাজহুল খানক ৷ বৰ্তমানলৈকে চিনাক্ত কৰিব পৰা হোৱা নাই দুৰ্বৃত্তক ৷

চলিত বৰ্ষৰ পশ্চিমবংগ বিধানসভা নিৰ্বাচনৰ পূৰ্বে ৱাজহুল খানৰ ভাতৃ গুড্ডু খানে তৃণমূলৰ পৰা পদত্যাগ কৰি বিজেপিত যোগদান কৰিছিল ৷ আনহাতে, ভুক্তভোগীৰ পত্নী নাছৰিন খাতুনো হাওৰা পৌৰ নিগমৰ মেয়ৰ ৷

ঘটনাস্থলীত আৰক্ষী উপস্থিত হৈ তিনিজনকৈ লোকক ইতিমধ্যে কৰায়ত্ত কৰিছে ৷ গুড্ডু খানে অভিযোগ কৰা অনুসৰি ভাতৃ ৱাজহুল খানৰ হত্যাৰ সৈতে স্থানীয় ধন দাবী কৰা চক্ৰ জড়িত হৈ আছে ৷ তেওঁ জনোৱা অনুসৰি ৱাজহুল খানৰ বাবেই অঞ্চলটোত কৰা ধন দাবী ক্ৰমাৎ হ্ৰাস পাবলৈ আৰম্ভ কৰিছিল ৷

অৱশ্যে হত্যাকাৰীৰ স্থানীয় ৰাজনৈতিক দলৰ সৈতে কিবা সম্পৰ্ক আছে নে নাই, সেই সন্দৰ্ভত মন্তব্য কৰাৰ পৰা বিৰত আছে গুড্ডু খান ৷ ঘটনা সন্দৰ্ভত ইতিমধ্যে গোচৰ ৰুজু কৰা হৈছে ৷

আনহাতে, এই হত্যাকাণ্ডৰে কোনো ৰাজনৈতিক দল জড়িত থকাৰ কথা নাকচ কৰিছে বিজেপিৰ ৰাজ্যিক কমিটিৰ সদস্য উমেশ ৰায়ে ৷ তেওঁ এই হত্যাকাণ্ডৰ উচিত তদন্তৰ বাবে আৰক্ষীক দাবী জনাইছে ৷

লগতে পঢ়ক :Tripura Violence : গৃহ মন্ত্ৰণালয়ৰ সন্মুখত TMC সাংসদৰ প্ৰতিবাদ