নিউজ ডেস্ক, ৮ মাৰ্চ : এক সম্ভাৱ্য মিত্ৰতা সন্দৰ্ভত আলোচনা কৰিবলৈ বিজেপি নেতৃত্বৰ সৈতে হোৱা বৈঠকৰ পূৰ্বে বুধবাৰে টিপ্ৰা মোথাৰ নেতা প্ৰদ্যুত মাণিক্য দেৱবৰ্মাই টুইটাৰত তেওঁৰ অনুগামীসকলৰ বাবে এটা বাৰ্তা দি কয় যে তেওঁ "আপোচ" কৰা নাই আৰু তেওঁলোকক "অপেক্ষা আৰু প্ৰত্যক্ষ কৰিবলৈ" কৈছে (Tipra Motha chief Pradyot Manikya Debbarma) । "টিপ্ৰাই আপোচ কৰা নাই ! অপেক্ষা কৰক আৰু চাওক ।" দলৰ সভাপতি বি কে হৰংখাওলৰ সৈতে এখন ফটো পোষ্ট কৰি দেৱবৰ্মাই টুইটত এনেদৰে লিখিছে (tipra has not compromised)।
উল্লেখ্য, ত্ৰিপুৰাত খিলঞ্জীয়া লোকসকলৰ অধিকাৰৰ বাবে মাত মাতি অহা টিপ্ৰা মোথাই (Tipra Motha advocating for indigenous people) ইয়াৰ প্ৰথম বিধানসভা নিৰ্বাচনত অৱতীৰ্ণ হৈয়ে ১৩ খন আসন লাভ কৰি এক গুৰুত্বপূৰ্ণ বিজয় অৰ্জন কৰে (Tipra Motha in Tripura Assembly election) । বিজেপিয়ে পূৰ্বতে মিত্ৰতাৰ বাবে টিপ্ৰা মোথাৰ কাষ চাপিছিল । কিন্তু টিপ্ৰা মোথাৰ পৃথক ৰাজ্যৰ দাবীৰ বাবে এই আলোচনা বিফল হৈছিল । যদিও বিজেপিয়ে নিজৰ ক্ষমতা ধৰি ৰাখিছে, টিপ্ৰা মোথাৰ আকৰ্ষণীয় প্ৰদৰ্শনে ২০২৪ চনৰ সাধাৰণ নিৰ্বাচনৰ বাবে উদ্বেগ বৃদ্ধি কৰিছে । যাৰ ফলত বিজেপিয়ে অহা বছৰ অনুষ্ঠিত হ'বলগা লোকসভা নিৰ্বাচনত এক শক্তিশালী প্ৰতিদ্বন্দ্বী হোৱাৰ পৰা প্ৰতিহত কৰিবলৈ দলটোক এন ডি এলৈ অনাৰ বাবে চেষ্টা কৰিছে ।
সূত্ৰ মতে, টিপ্ৰা মোথাৰ দুজন নেতা আৰু ১৩ জন নৱনিৰ্বাচিত বিধায়কক লৈ গঠিত এটা প্ৰতিনিধি দলে আগৰতলাত কেন্দ্ৰীয় গৃহমন্ত্ৰী অমিত শ্বাহ আৰু বিজেপিৰ ৰাষ্ট্ৰীয় সভাপতি জে পি নাড্ডাক সাক্ষাৎ কৰিব (Tipra Motha meet with Amit Shah) । আমোদজনকভাৱে ত্ৰিপুৰাৰ মুখ্যমন্ত্ৰী মাণিক সাহা (Tripura Chief Minister Manik Saha) আৰু তেওঁৰ আঠজন কেবিনেট সহকৰ্মীয়ে বুধবাৰে পুৱা শপত গ্ৰহণ কৰা অনুষ্ঠানটোত দেৱবৰ্মা উপস্থিত নাছিল । কিন্তু তেওঁ সাহাক এটা টুইটাৰ পোষ্টত শুভকামনা জনায় আৰু দ্বিতীয় সৰ্ববৃহৎ দল হিচাপে ৰাজ্যখনৰ জনসাধাৰণৰ বাবে কাম কৰাৰ বাবে তেওঁৰ দলৰ প্ৰতিশ্ৰুতিৰ পুনৰাবৃত্তি কৰে ।