নিউজ ডেস্ক, 29 নৱেম্বৰ: মধ্যপ্ৰদেশত শোকাৱহ পথ দুৰ্ঘটনাত নিহত তিনিগৰাকী সাংবাদিক (Journalists death in Bhopal accident) ৷ ৰাজ্যখনৰ বিদিশা চহৰৰ চালামপুৰ থানাৰ অন্তৰ্গত ভূপাল-বিদিশা পথৰ লংবাখেড়াত যোৱা নিশা সংঘটিত হয় এই দুৰ্ঘটনাটো ৷ বিদিশা প্ৰেছ ক্লাৱৰ সভাপতি ৰাজেশ শৰ্মা আৰু আন দুগৰাকী সহযোগী সাংবাদিকে প্ৰাণ হেৰুৱাই এই দুৰ্ঘটনাত (Journalist died in Bhopal road incident) ৷ এখন অচিনাক্ত বাহনৰ খুন্দাত সাংবাদিককেইজনৰ মৃত্যু হয় ৷
এই দুৰ্ঘটনাৰ ফলত সমগ্ৰ বিদিশা চহৰতে শোকৰ ছাঁ পৰিছে ৷ মুখ্যমন্ত্ৰী শিৱৰাজ সিং চৌহানে টুইটাৰযোগে সাংবাদিক কেইজনৰ মৃত্যুত শোক প্ৰকাশ কৰে ৷ ইয়াৰ লগতে ৰাজ্য চৰকাৰৰ তৰফৰ পৰা তিনিওগৰাকী মৃত সাংবাদিকৰ পৰিয়াললৈ 4 লাখকৈ টকাৰ এককালীন সাহায্য ঘোষণা কৰে ৷
আৰক্ষীয়ে জনোৱা মতে, তিনিওগৰাকী সাংবাদিকে MP 40 MN 8640 নম্বৰৰ বাইকখনেৰে ভূপালৰ পৰা বিদিশা চহৰ অভিমুখে গৈ আছিল ৷ লাংবাখেড়াত এটা কেঁকুৰি ঘূৰিবলৈ লওঁতেই এখন বাহনে বাইকখনত খুন্দা মৰাত দূৰৈত চিটিকি পৰে তিনিওজন ৷ ফলত তেওঁলোকৰ ঘটনাস্থলীতে মৃত্যু হয় (journalists killed in Bhopal road accident) ৷ মৃত সাংবাদিক তিনিজন ক্ৰমে ৰাজেশ শৰ্মা, সুনীল শৰ্মা আৰু নৰেন্দ্ৰ দীক্ষিত ৷