নেশ্যনেল ডেস্ক, ১১ অক্টোবৰ: জম্মু-কাশ্মীৰত পুনৰ নিৰাপত্তা বাহিনী আৰু সন্ত্ৰাসবাদীৰ মাজত সংঘটিত হৈছে সংঘৰ্ষ । সোমবাৰে দুটা পৃথক স্থানত হোৱা সংঘৰ্ষত নিহত হয় দুটা সন্ত্ৰাসবাদী । আৰক্ষীয়ে জনোৱা মতে, অনন্তনাগ জিলাৰ খাগুণ্ড ভেৰিনাগ অঞ্চল আৰু বান্দিপোৰাৰ শ্বাহগুণ্ডত হোৱা সংঘৰ্ষত সন্ত্ৰাসবাদী দুটা নিহত হয় । এই গুলীয়াগুলিত এগৰাকী আৰক্ষী বিষয়াও আহত হয় ।
উল্লেখ্য যে, সন্ত্ৰাসবাদীয়ে আত্মগোপন কৰি থকাৰ খবৰ পোৱাৰ পাচতে আৰক্ষী আৰু নিৰাপত্তা বাহিনীৰ যুটীয়া দলে খাগুণ্ড ভেৰিনাগ অঞ্চল ঘেৰাও কৰি তালাচী অভিযান আৰম্ভ কৰে । সেই সময়তে সন্ত্ৰাসবাদী আৰু নিৰাপত্তা বাহিনীৰ মাজত গুলীচালনা হয় । আনহাতে, বান্দিপোৰা জিলাৰ গুণ্ড জাহাংগীৰতো নিৰাপত্তা বাহিনী আৰু সন্ত্ৰাসবাদীৰ মাজত আন এক সংঘৰ্ষৰ সূত্ৰপাত ঘটে ।