Tension grips Nagaland : প্ৰতিৰক্ষা বিভাগৰ মুখপাত্ৰই সদৰি কৰিলে হতাহতৰ তথ্য

নাগালেণ্ডৰ গুলিয়াগুলীৰ ঘটনাত (Security forces firing in Nagalnad) হতাহতৰ তথ্য ইটিভি ভাৰতৰ আগত সদৰি কৰিলে কহিমাৰ প্ৰতিৰক্ষা বিভাগৰ মুখপাত্ৰ (Kohima's defence spokesperson) কৰ্ণেল সুমিত শৰ্মাই ৷ শনিবাৰে নিশা নিৰাপ্তাৰক্ষীৰ আক্ৰমণত নিহত হৈছে 6 জনকৈ যুৱক ৷

নিউজ ডেস্ক, 5 ডিচেম্বৰ : শনিবাৰে মাজনিশা নাগালেণ্ডত হোৱা গুলিয়াগুলীৰ ঘটনাত (Security forces firing in Nagalnad) ৬ জনকৈ নিৰীহ লোকে প্ৰাণ হেৰুৱাইছে আনহাতে আহত হৈছে 2 জনকৈ লোক ৷ এই ঘটনাত 1 জন নিৰাপত্তাৰক্ষীৰ মৃত্যু হোৱাৰ লগতে 13 জন নিৰাপত্তাবাহিনীৰ লোক আহত হোৱাৰ কথা ইটিভি ভাৰতৰ আগত সদৰি কৰিছে কহিমাৰ প্ৰতিৰক্ষা বিভাগৰ মুখপাত্ৰ (Kohima's defence spokesperson) কৰ্ণেল সুমিত শৰ্মাই ৷

উল্লেখ্য যে, শনিবাৰে নিশা নাগালেণ্ডৰ মন জিলাৰ তিৰু গাঁৱত নিৰাপ্তাৰক্ষীয়ে উগ্ৰপন্থী সংগঠন এনএছচিএনৰ সদস্য বুলি কেইজনমান নগা যুৱকক অতৰ্কিতে আক্ৰমণ কৰা বুলি অভিযোগ উত্থাপন হৈছে ৷ পৰৱৰ্তী সময়ত পৰিস্থিতি অধিক উত্তপ্ত হৈ পৰাত নিৰাপত্তাৰক্ষীয়ে পুনৰ গুলীচালনা কৰে ৷ নিৰাপত্তাৰক্ষীৰ দ্বাৰা সংঘটিত হোৱা দ্বিতীয়টো গুলীচালনাত পুনৰ মৃত্যুক সাৱটিবলগীয়া হয় 6 জনকৈ নগা যুৱকে ৷

আনহাতে, এই ঘটনাত দুঃখ প্ৰকাশ কৰি এই ঘটনা অতি দুৰ্ভাগ্যজনক , এয়া এক নিন্দনীয় কাৰ্য ৷ নিহত লোক কেইজনৰ শোকসন্তপ্ত পৰিয়াললৈ সমবেদনা আৰু আহতসকলৰ দ্ৰুত আৰোগ্য কামনা কৰে মুখ্যমন্ত্ৰী নেফিউ ৰিঅ’ই । সম্প্ৰতি উত্তেজনা ৰোধ কৰিবৰ বাবে মন জিলাত ইণ্টাৰনেট সেৱা বন্ধ(Internet suspended in Mon district) ৰাখিছে প্ৰশাসনে ।

এই ঘটনা সন্দৰ্ভত টুইটযোগে প্ৰতিক্ৰিয়া প্ৰকাশ কৰিছে কেন্দ্ৰীয় গৃহমন্ত্ৰী অমিত শ্বাহে ৷ শ্বাহে কয়, নাগালেণ্ড চৰকাৰে গঠন কৰা এক উচ্চ-পৰ্যায়ৰ SITয়ে শোকসন্তপ্ত পৰিয়ালকেইটাৰ ন্যায় নিশ্চিত কৰাৰ বাবে এই ঘটনাৰ পুংখানুপুংখ তদন্ত কৰিব ৷

লগতে পঢ়ক :Tension grips Nagaland : নিৰাপত্তাৰক্ষীৰ গুলীত নিহত 13 জনকৈ নগা যুৱক