নেশ্যনেল ডেস্ক, 9 ছেপ্টেম্বৰ: শিক্ষকৰ চৰম বৰ্বৰতা (Tense situation in Karnataka) ৷ এখন বিদ্যালয়ক উপাসনাস্থলীৰ স্থান দিয়া হয়, লগতে এগৰাকী শিক্ষকক জীৱনৰ আদিপাঠৰ প্ৰথমগৰাকী গুৰু বুলি কোৱা হয় ৷ কিন্তু যেতিয়া ৰক্ষকেই ভক্ষকৰ ৰূপ তেতিয়া কাক বিশ্বাস কৰিব অভিভাৱকে ৷ এইবাৰ বিদ্যালয়ৰ শিক্ষকৰ অমানৱীয় কাণ্ডৰ বলি হ’ল এগৰাকী দ্বিতীয় শ্ৰেণীৰ ছাত্ৰ ৷
এই ঘটনা সংঘটিত হৈছে কৰ্ণাটকৰ ৰাইচুৰ জিলাত ৷ এগৰাকী শিক্ষকে গৰম পানী ঢালিলে এজন দ্বিতীয় শ্ৰেণীত অধ্যয়নৰত ছাত্ৰৰ ওপৰত (Teacher threw hot water)৷ যোৱা 2 ছেপ্টেম্বৰত জিলাখনৰ মাস্কি তালুকৰ সন্থেকাল্লু নামৰ ঠাইৰ শ্ৰীগানামথেশ্বৰা ছিনিয়ৰ প্ৰাথমিক বিদ্যালয়ত সংঘটিত হৈছিল এই ঘটনা ৷
জানিব পৰামতে, শিক্ষক হুলিগেপ্পাই পাঠদান কৰি থকাৰ মাজতে ছাত্ৰজনে পেণ্টতে শৌচ কৰি দিছিল ৷ এই ঘটনা দেখি খঙত অগ্নিশৰ্মা হয় যায় শিক্ষকগৰাকী (Teacher threw hot water on 2nd class student)৷ ইয়াৰ পিছতে তেওঁ ছাত্ৰগৰাকীক শ্ৰেণীকোঠোৰ পৰা উলিয়াই লৈ যায় ৷ বাহিৰলৈ লৈ গৈ ছাত্ৰজনৰ শৰীৰত গৰম পানী ঢালি দিয়ে শিক্ষকজনে (Threw hot water on class 2 student)৷