নেশ্যনেল, 29 জুন :পুনৰ উগ্ৰপন্থীৰ ভয়ংকৰ কুটাঘাতৰ লক্ষ্য হৈ পৰিছে জম্মু-কাশ্মীৰ । জম্মু আৰক্ষীৰ বিচক্ষণতাৰ বাবে এই লক্ষ্যত উপনীত নোৱাৰিলে উগ্ৰপন্থী সংগঠন । কিন্তু জম্মুৰ ৰত্নুচক-কালুচাক সামৰিক কেন্দ্ৰ (Ratansuk Kalusak military center) ত বিগত এটা দিনৰ পূৰ্বে সন্দেহজনক ড্ৰোন আক্ৰমণ বিফল হোৱাৰ এদিন পিছতে সোমবাৰে নিশা কুঞ্জৱানী অঞ্চলত পুনৰ জম্মুৰ আকাশত সন্দেহজনক ড্ৰোন (drone attack) দেখিবলৈ পোৱা গৈছিল বুলি এক সূত্ৰই জানিবলৈ দিয়ে । বিগত দুদিনত, জম্মুত কমেও চাৰিবাৰ ড্ৰোন আক্ৰমণ (drone attack)ৰ খবৰ পোৱা গৈছিল আৰু ইয়াৰ ভিতৰত দুখন ড্ৰোণৰ সামান্য ক্ষতি কৰাও হৈছিল ।
প্ৰতিৰক্ষা মন্ত্ৰালয়ৰ জনসম্পৰ্ক বিষয়া লেফটেনেণ্ট কৰ্ণেল দেৱেন্দ্ৰ আনন্দে সোমবাৰে এক চৰকাৰী বিবৃতিত জনোৱা মতে, ৰত্নুচক-কালুচাক সামৰিক অঞ্চল (Ratansuk Kalusak military area)ত আৰু দুখন সন্দেহজনক ড্ৰোণ দেখিবলৈ পোৱা গৈছিল ৷ লগে লগে, অঞ্চলটোত হাই এলাৰ্ট জাৰি কৰা হৈছিল আৰু কুইক ৰিএক্সন টীম (Quick reaction team) ৰ সহায়ত গুলীচালনা কৰি ড্ৰোণ কেইখন ধ্বংস কৰা হৈছে ৷
ঘটনা অনুসৰি, দেওবাৰে ৰাতিপুৱা জম্মু বায়ু সেনা (Jammu Air force) কেন্দ্ৰৰ কাৰিকৰী অঞ্চলত ড্ৰোনৰ দ্বাৰা দুটা বিস্ফোৰণ সংঘটিত কৰা হয় । এটা বিস্ফোৰণৰ ফলত অট্টালিকা এটাৰ সামান্য ক্ষতি লগতে আনটো বিস্ফোৰণ মুকলি অঞ্চলত হৈছিল বুলি ভাৰতীয় বায়ু সেনাই (Indian Air Force) জনায়। এই ঘটনাত বিশেষ ক্ষয়-ক্ষতি হোৱা নাই যদিও দুগৰাকী জোৱান সামান্য পৰিমানে আঘাট প্ৰাপ্ত হৈছে ৷
উল্লেখ্য যে, ভাৰতৰ ইতিহাসত এইটোৱে প্ৰথম ড্ৰোন আক্ৰমণ (drone attack) ৷ প্ৰধান মন্ত্ৰীৰে হোৱা সৰ্বদলীয় বৈঠকৰ পাচতে জম্মুৰ ভাৰতীয় বায়ু সেনাৰ (AIF) ঘাটিত আক্ৰমণ চলাইছে পাকিস্তানী সন্ত্ৰাসবাদীয়ে ৷ নিৰাপত্তা সংস্থাসমূহে জনোৱা মতে, জম্মুৰ ভাৰতীয় বায়ু সেনাৰ (AIF) ঘাটিত ড্ৰোন আক্ৰমণৰ বাবে শক্তিশালী বিস্ফোৰক সামগ্ৰীৰ লগতে IED ব্যৱহাৰ কৰা হৈছিল । 26 আৰু 27 জুনৰ মাজনিশা দুখন ৰিম'ট-নিয়ন্ত্ৰিত ড্ৰোনেৰে বায়ু সেনাৰ ঘাটিলৈ বিস্ফোৰক নিক্ষেপ কৰিছিল সন্ত্ৰাসবাদী সংগঠনে আৰু পাঁচ মিনিটৰ ব্যৱধানত সংঘটিত হোৱা এই বিস্ফোৰণত দুগৰাকী সেনা আহত হৈছিল।
লগতে পঢ়ক:জম্মু-কাশ্মীৰত নিৰাপত্তা বাহিনীৰ গুলীত ধৰাশায়ী ২ সন্ত্ৰাসবাদী
