গা ধুই নহাৰ বাবে বিদ্যালয়তে গা ধুৱালে শিক্ষাৰ্থীক
নেশ্যনেল ডেস্ক, 20 ডিচেম্বৰ : এই ঠেঁটুৱৈ লগা শীতত গা ধোৱাটো এক প্ৰত্যাহ্বানস্বৰূপ ৷ কেৱল শিশুৱে নহয় বহুতো লোকে ঠাণ্ডাৰ প্ৰকোপত গা নোধোৱাকৈ থাকে ৷ এনেক্ষেত্ৰত প্ৰায়ে শিশুসকলে শীতকালত পুৱা বিদ্যালয়লৈ আহিলে গা ধুবলৈ মন নকৰে ৷ কিন্তু এইবাৰ গা নোধোৱাৰ বাবেই শাস্তি লাভ কৰিলে কেইটামান কণ কণ ছাত্ৰই ৷ উত্তৰ প্ৰদেশৰ বৰেলীৰ এটা এনেকুৱা ভিডিঅ’ই এতিয়া সামাজিক মাধ্যমত ব্যাপক চৰ্চা লাভ কৰিছে ৷
সোমবাৰে বৰেলীৰ ফৰিদপুৰ আৰক্ষী থানা অঞ্চলৰ ছত্ৰপতি শিৱাজী ইণ্টাৰ কলেজত প্ৰাৰ্থনা সভা চলি থকা সময়তে শিক্ষকে ছাত্ৰ-ছাত্ৰীয়ে গা ধুই আহিছিলনে নাই সুধিছিল ৷ ইয়াৰ প্ৰত্যুত্তৰত, কিছু শিশুৱে গা ধুই অহা নাই বুলি হাত দাঙিছিল ৷ তাৰ পিচতে ছাত্ৰকেইজনক কিয় গা ধুই অহা নাই বুলি সোধাত বুলি ঠাণ্ডাৰ কাৰণে গা ধুই অহা নাই বুলি উত্তৰ দিয়ে ৷