Special Parliament session : নতুন সংসদে এক নতুন ভাৰতৰ আকাংক্ষা প্ৰতিফলিত কৰে; মেনকা গান্ধী

৩৪ বছৰ পূৰ্বে স্বামী সঞ্জয় গান্ধীৰ মৃত্যুৰ পিছত ৩৫ বছৰ বয়সত এগৰাকী সাংসদ হিচাপে আৰম্ভ কৰা তেওঁৰ সংসদ যাত্ৰাৰ কথা স্মৰণ কৰিলে মেনকা গান্ধীয়ে ।

নিউজ ডেস্ক, ১৯ ছেপ্টেম্বৰ : লোকসভাৰ আটাইতকৈ পুৰণি সাংসদ বিজেপি সাংসদ মেনকা গান্ধীয়ে মঙলবাৰে দেশৰ সংসদ নতুন সংসদ ভৱনলৈ স্থানান্তৰিত হোৱাটোক ভাৰতৰ উজ্জীৱিত সংসদীয় গণতন্ত্ৰৰ ইতিহাসত এক মাইলৰ খুঁটি হিচাপে অভিহিত কৰে ।

"আজিৰ দিনটো এক ঐতিহাসিক দিন আৰু এই ঐতিহাসিক মুহূৰ্তৰ অংশ হ'বলৈ পাই মই গৌৰৱান্বিত । আমি এটা নতুন ভৱনলৈ গৈ আছোঁ আৰু আশাকৰোঁ এই বিশাল অট্টালিকাটোৱে এক নতুন ভাৰতৰ আশা-আকাংক্ষা প্ৰতিফলিত কৰিব । আজি মোক লোকসভাৰ আটাইতকৈ জ্যেষ্ঠ সাংসদ হিচাপে এই সন্মানীয় সদনক সম্বোধন কৰাৰ দায়িত্ব অৰ্পণ কৰা হৈছে... মই মোৰ প্ৰাপ্তবয়স্ক জীৱনৰ বেছিভাগ সময় এই প্ৰতিষ্ঠানত অতিবাহিত কৰিছোঁ আৰু মই ৭ জন প্ৰধানমন্ত্ৰী আৰু বিশাল ইতিহাস ৰচনা কৰা দেখিছোঁ । এগৰাকী নিৰ্দলীয় সদস্য হিচাপে মোৰ কেইবাটাও কাৰ্যকাল অতিবাহিত কৰি অৱশেষত অটল বিহাৰী বাজপেয়ীৰ নেতৃত্বত বিজেপিত যোগদান কৰিছিলোঁ । তেতিয়াৰে পৰা মই বিজেপি আৰু এই মহান সদনৰ গৌৰৱান্বিত সদস্য হৈ আছোঁ । মই ইয়াত অতিবাহিত কৰা প্ৰতিটো মিনিটৰ সৰ্বাধিক সদ্ব্যৱহাৰ কৰিবলৈ চেষ্টা কৰিছোঁ " নিজৰ ভাষণত তেওঁ কয় ।

উল্লেখ্য যে ৩৪ বছৰ পূৰ্বে স্বামী সঞ্জয় গান্ধীৰ মৃত্যুৰ পিছত মেনকা গান্ধীয়ে ৩৫ বছৰ বয়সত এগৰাকী সাংসদ হিচাপে তেওঁৰ সংসদ যাত্ৰাৰ কথা স্মৰণ কৰে । "এইটো মোৰ বাবে সাংসদ হিচাপে এক পৰিপূৰ্ণ যাত্ৰা । মই ৩৫ বছৰ পূৰ্বে সংসদ ভৱনত ভৰি দিছিলোঁ আৰু জনসাধাৰণৰ ঐতিহাসিক ঘটনাৰ সাক্ষী আছিলোঁ । মই এগৰাকী নিৰ্দলীয় সাংসদ হিচাপে যাত্ৰা আৰম্ভ কৰিছিলোঁ আৰু পিছত ২০০৪ চনত প্ৰয়াত প্ৰধানমন্ত্ৰী অটল বিহাৰী বাজপেয়ীজীৰ দ্বাৰা অনুপ্ৰাণিত হৈ বিজেপিত যোগদান কৰিছিলোঁ ।" তেওঁ কয় ।

আনহাতে, মেনকা গান্ধীয়ে প্ৰধানমন্ত্ৰী নৰেন্দ্ৰ মোদীক তেওঁৰ নাৰীকেন্দ্ৰিক আঁচনিসমূহৰ বাবে বিশেষকৈ 'বেটি বচাও বেটি পঢ়াও'ৰ বাবে ধন্যবাদ জ্ঞাপন কৰে । যি আঁচনি হৈছে দেশৰ নাৰী শিক্ষাৰ স্থিতি উন্নত কৰাৰ এক পদক্ষেপ ।

লগতে পঢ়ক :Proceedings Of Special Session 2023: নতুন সংসদ ভৱনত আজি বিশেষ অধিবেশনৰ দ্বিতীয় দিনৰ কাৰ্যসূচী