গ্ৰীণ কৰিডৰেৰে অক্সিজেন টেংকাৰ পৰিবহন দিল্লীত

দিল্লীস্থিত গুৰু তেগ বাহাদুৰ চিকিৎসালয়লৈ অক্সিজেনৰ টেংকাৰ এখন পঠাবৰ বাবে দিল্লী আৰক্ষীয়ে সৃষ্টি কৰে গ্ৰীণ কৰিডৰৰ ৷ টেংকাৰখন যিমান সম্ভৱ চমু পথৰ মাজেৰে লৈ যোৱা হৈছিল আৰু অৱশেষত পুৱা প্ৰায় এঘণ্টাৰ ভিতৰত চিকিৎসালয়ত উপস্থিত হয় অক্সিজেনভৰ্তি টেংকাৰখন ৷

নেচনেল ডেস্ক, 24 এপ্ৰিল: অক্সিজেনৰ তীব্ৰ সংকটত এতিয়া দেশৰ ৰাজধানী দিল্লী ৷ শনিবাৰে দিল্লীস্থিত গুৰু তেগ বাহাদুৰ চিকিৎসালয়লৈ অক্সিজেনৰ টেংকাৰ এখন পঠাবৰ বাবে দিল্লী আৰক্ষীয়ে সৃষ্টি কৰে গ্ৰীণ কৰিডৰৰ ৷ আৰক্ষীয়ে জনোৱা অনুসৰি, চিকিৎসালয়খনৰ বাবে গাজিয়াবাদৰ মোডীনগৰৰ ইনোক্স প্ৰকল্পৰ পৰা অক্সিজেন টেংকাৰখনৰ পৰিবহণত আৰক্ষীৰ সহায়ৰ বাবে নোডেল বিষয়াৰ পৰা এটা ফোন আহিছিল ।

তাৎক্ষণিকভাৱে আৰক্ষীয়ে চালক আৰু টেংকাৰৰ তথ্য সংগ্ৰহ কৰি গাজিয়াবাদৰ আৰক্ষী উপ আয়ুক্ত আৰু গ্ৰাম্য গাজিয়াবাদৰ শীৰ্ষ আৰক্ষীৰ সৈতে যোগাযোগ কৰি গ্ৰীণ কৰিডৰেৰে দ্ৰুত পৰিবহণৰ বাবে এক সমন্বয় প্ৰক্ৰিয়া আৰম্ভ কৰে ৷ উল্লেখ্য যে, টেংকাৰখন যিমান সম্ভৱ চমু পথৰ মাজেৰে লৈ যোৱা হৈছিল আৰু অৱশেষত পুৱা প্ৰায় এঘণ্টাৰ ভিতৰত চিকিৎসালয়ত উপস্থিত হয় অক্সিজেনভৰ্তি টেংকাৰখন ৷

লগতে পঢ়ক :অ’এনজিচিৰ কৰ্মচাৰী অলকেশৰ ঘৰত আনন্দৰ বন্যা