ৰাইবৰেলিত আপ বিধায়ক সোমনাথ ভাৰতীলৈ চিঁয়াহী নিক্ষেপ

উত্তৰপ্ৰদেশৰ ৰাইবৰেলিত আম আদমী পাৰ্টিৰ বিধায়ক সোমনাথ ভাৰতীৰ গালৈ চিঁয়াহী নিক্ষেপ ৷ ঘটনা সংঘটিত কৰি ঘটনাস্থলীৰ পৰা পলাবলৈ সক্ষম হয় বিধায়কগৰাকীলৈ চিঁয়াহী নিক্ষেপ কৰা যুৱকজন ৷

নিউজ ডেস্ক, 11 জানুৱাৰী :উত্তৰপ্ৰদেশৰ ৰাইবৰেলিত আম আদমী পাৰ্টিৰ বিধায়ক সোমনাথ ভাৰতীৰ ওপৰত নিক্ষেপ কৰা হয় চিঁয়াহী ৷ সোমবাৰে সোমনাথ ভাৰতীয়ে একাংশ চৰকাৰী বিদ্যালয় পৰিদৰ্শন কৰিবলৈ যোৱাৰ সময়তে সংঘটিত হয় এই ঘটনা ৷ আপ বিধায়কগৰাকী দেওবাৰে নিশাই উপস্থিত হৈছিল ৰাইবৰেলিত ৷ ইয়াৰ পাছতে সোমবাৰে তেওঁ গেষ্ট হাউচৰ পৰা ওলাই অহাৰ সময়তে আৰক্ষীয়ে তেওক গেষ্ট হাউচৰ পৰা ওলোৱাত বাধা প্ৰদান কৰে ৷ বিধায়কগৰাকীয়ে আৰক্ষী লগত তৰ্কবিতৰ্ক কৰি থকাৰ সময়তে কোনো লোকে তেওঁৰ ওপৰত চিঁয়াহী নিক্ষেপ কৰে ৷

ঘটনাৰ পাছতে সোমনাথ ভাৰতী গেষ্ট হাউচতে আৱদ্ধ হৈ পৰে ৷ ইফালে বিধায়কগৰাকীলৈ চিঁয়াহী নিক্ষেপ কৰা যুৱকজন ঘটনাস্থলীৰ পৰা পলাবলৈ সক্ষম হয় ৷

লগতে পঢ়ক: ইংলেণ্ডৰ পৰা ভাৰতলৈ অহা ৪ গৰাকী লোক COVID-১৯ত আক্ৰান্ত