নেশ্যনেল ডেস্ক,২১ নৱেম্বৰ: বিহাৰৰ নালন্দা জিলাত সংঘটিত হৈছে এক লোমহৰ্ষক হত্যাকাণ্ড । ৬ টুকুৰা কৰি বস্তাত ভৰাই পথৰ কাষত পেলাই থৈ গ'ল যুৱকৰ মৃতদেহ (Youth body recovered in Nalanda) । যুৱকৰ মৃতদেহ উদ্ধাৰৰ পাছতেই সৃষ্টি হয় তীব্ৰ চাঞ্চল্য । পৰস্ত্ৰীৰ সৈতে থকা অবৈধ সম্পৰ্কৰ পৰিণতিতেই এই ঘটনা সংঘটিত হোৱাৰ সন্দেহ স্থানীয় ৰাইজ তথা আৰক্ষীৰ(Youth murdered in Nalanda) । মৃত যুৱকজন নালান্দাৰ নন্দ গাঁৱৰ বাসিন্দা বিকাশ চৌধুৰী বুলি চিনাক্ত কৰা হৈছে ।
জানিব পৰা মতে, মৃত বিকাশ চৌধুৰীৰ সেই অঞ্চলৰে এগৰাকী বিবাহিত মহিলাৰ সৈতে আছিল অবৈধ সম্পৰ্ক । শিক্ষাগ্ৰহণৰ বাবে বিকাশে মহিলাগৰাকীৰ কাষৰে এটা ঘৰত ভাৰাতীয়া হিচাপে আছিল । যোৱা ১৬ নৱেম্বৰৰ সন্ধিয়াৰ পৰা নিৰুদ্দেশ হৈ আছিল বিকাশ । বিবাহিত মহিলাগৰাকীৰ স্বামীয়ে বিকাশ আৰু মহিলাগৰাকীৰ সম্পৰ্কৰ কথা গম পোৱাত পত্নীৰ সৈতে মিলি বিকাশক হত্য কৰাৰ সন্দেহ প্ৰকাশ কৰিছে ৰাইজ তথা আৰক্ষীয়ে ।