নেশ্যনেল ডেস্ক, 21 নৱেম্বৰ: মহাৰাষ্ট্ৰৰ ৰাজ্যপালক ৰাজ্যৰ পৰা বহিষ্কাৰৰ দাবী শিৱসেনাৰ বিধায়কৰ (Shinde faction asks BJP to remove Maharashtra governor)৷ এক আমোদজনক পৰিঘটনাত মুখ্যমন্ত্ৰী একনাথ সিন্দে ফৈদৰ শিৱসেনাৰ বিধায়ক সঞ্জয় গাইকৱাদে সোমবাৰে দাবী জনায় যে, মহাৰাষ্ট্ৰৰ ৰাজ্যপাল তথা আৰ এছ এছৰ প্ৰবীণ আৰু বিজেপিৰ ৰাষ্ট্ৰীয় উপ-সভাপতি হিচাপেও কাৰ্যনিৰ্বাহ কৰি অহা ভগত সিং কোশিয়াৰীক ছত্ৰপতি শিৱাজী মহাৰাজ সন্দৰ্ভত আগবঢ়োৱা শেহতীয়া মন্তব্যৰ বাবে ৰাজ্যৰ বাহিৰলৈ স্থানান্তৰিত কৰা হওক (Governor Bhagat Singh Koshyari) ।
বুলধনা বিধানসভা সমষ্টিক প্ৰতিনিধিত্ব কৰা গাইকৱাদে দাবী কৰে যে কোশিয়াৰীয়ে মাৰাঠা সাম্ৰাজ্যৰ প্ৰতিষ্ঠাপকজনৰ বিষয়ে বিগত সময়তো আপত্তিজনক বক্তব্য আগবঢ়ায় বিতৰ্কৰ সূচনা কৰিছিল বুলি (Shiv Sena MLA Sanjay Gaikwad) ৷ শিৱাজী মহাৰাজৰ আদৰ্শ কেতিয়াও প্ৰাচীন হ'ব নোৱাৰে আৰু ছত্ৰপতি শিৱাজী সদায়ে অতুলনীয় এটি সত্বা বুলি ৰাজ্যপালগৰাকীয়ে জনাটো জৰুৰী বুলি (Chief Minister Eknath Shinde) গাইকৱাদে প্ৰতিক্ৰিয়া ব্যক্ত কৰে । যিজন ব্যক্তিয়ে ৰাজ্যখনৰ ইতিহাস সন্দৰ্ভত অৱগত নহয় তেনে ব্যক্তিক আন ঠাইলৈ পঠিয়াই দিব লাগে বুলি কেন্দ্ৰৰ বিজেপি নেতাসকললৈ গাইকৱাদে আহ্বান জনায় ৷