ম্যানমাৰৰ পৰা অনুপ্ৰৱেশ ৰোধৰ বাবে মণিপুৰত নিৰাপত্তা বৈঠক

ম্যানমাৰৰ ফালৰ পৰা অনুপ্ৰৱেশ ৰোধ কৰাৰ বাবে মণিপুৰত অসম ৰাইফলছৰ উদ্যোগত নিৰাপত্তা বৈঠক ৷ ম্যানমাৰৰ ফালৰ পৰা কোনো লোকে আশ্ৰয় বিচাৰি অনুপ্ৰৱেশ কৰিব খুজিলেই ম্যানমাৰৰ স্থানীয় লোকক অৱগত কৰিবলৈ আহ্বান মণিপুৰৰ গাঁওবাসীক ৷

ইম্ফল, 13 মাৰ্চ:চুবুৰীয়া ৰাজ্য মণিপুৰৰ বৰ্ধিত নিৰাপত্তা পৰিস্থিতি আৰু মণিপুৰৰ সীমান্ত গাঁওসমূহত ইয়াৰ প্ৰভাৱৰ প্ৰতি লক্ষ্য ৰাখি শুকুৰবাৰে কামজঙ জিলাৰ নামপিছা গাঁৱত অসম ৰাইফলছৰ চচ্চদ বেটেলিয়নে এক নিৰাপত্তা বৈঠকৰ আয়োজন কৰে ৷

অসামৰিক বাহিনীৰ এক বিবৃতিত জনোৱা মতে, মণিপুৰৰ গাঁওবাসী সকলক ম্যানমাৰৰ বৰ্তমান পৰিস্থিতিৰ বিষয়ে অৱগত কৰোৱাৰ লগতে ম্যানমাৰৰ ফালৰ পৰা কোনো লোকে আশ্ৰয় বিচাৰি ভাৰতীয় গাঁৱত অনুপ্ৰৱেশ কৰিব খুজিলে ম্যানমাৰৰ যিকোনো স্থানীয় লোকক অৱগত কৰাৰ বাবে আহ্বান জনোৱা হৈছে ৷

জানিব পৰা মতে, বৈঠকখনৰ জৰিয়তে ৰাজ্যখনৰ সুৰক্ষাৰ বাবে গাঁওবুঢ়াৰ ভূমিকা সম্পৰ্কে সশ্লিষ্ট কৰ্তৃপক্ষক অৱগত কৰা হয় ৷ অঞ্চলটোত শান্তি আৰু স্থিৰতা বজাই ৰখাৰ ক্ষেত্ৰত সুৰক্ষা বাহিনী আৰু গাঁওবুঢ়াৰ ভূমিকাৰ কথাও সংশ্লিষ্ট কৰ্তৃপক্ষক অৱগত কৰোৱা হয় ৷

উল্লেখ্য যে, গৃহাঙ, নিঙচৌ, নামপিছা, মেইটেই আৰু কাঙপাট আদি গাঁৱৰ গাঁওবুঢ়াৰ লগতে আটাইকেইখন গাঁৱৰ কৰ্তৃপক্ষই সুৰক্ষা বৈঠকখনত অংশগ্ৰহণ কৰে ৷

লগতে পঢ়ক:কংগ্ৰেছক তীব্ৰ সমালোচনা বিজেপি নেতা কৈলাশ বিজয়বৰ্গীয়াৰ