COVID-১৯ চিকিৎসা : আয়ুৰ্বেদিক, হোমিঅ'পেথিক ঔষধ ব্যৱহাৰক লৈ উচ্চতম ন্যায়ালয়ৰ শুনানি

মঙলবাৰে উচ্চতম ন্যায়ালয়ে এক শুনানিত কয় যে, স্বীকৃতিপ্ৰাপ্ত AYUSH চিকিৎসক আৰু হোমিঅ'পেথিক চিকিৎসকে চৰকাৰৰ অনুমতি সাপেক্ষে COVID-১৯ মহামাৰীৰ পৰা ৰক্ষা পৰিবলৈ ৰোগী প্ৰতিৰোধী ক্ষমতা বৃদ্ধি কৰা ঔষধ হিচাপেহে টেবলেট আৰু আন ঔষধ সেৱন কৰিবলৈ ৰোগীক পৰামৰ্শ দিব পাৰিব ।

নেশ্যনেল ডেস্ক, ২ ডিচেম্বৰ: কেৰালা উচ্চ ন্যায়ালয়ৰ ৰায়দানৰ বিৰোধিতা কৰি জনোৱা এখন আবেদনৰ শুনানিৰ ৰায়দান মঙলবাৰে উচ্চতম ন্যায়ালয়ে স্থগিত ৰাখে । স্বীকৃতিপ্ৰাপ্ত AYUSH চিকিৎসকক COVID-১৯ৰ চিকিৎসাৰ বাবে বিজ্ঞাপন দিয়া ঔষধ দিয়াৰ ক্ষেত্ৰত বাধা আৰোপ কৰিছিল কেৰালা উচ্চ ন্যায়ালয়ে । ন্যায়াধীশ অশোক ভূষণ, সুভাষ ৰেড্ডী আৰু ন্যায়াধীশ এম আৰ শ্বাহৰ তিনিজনীয়া বিচাৰপীঠে প্ৰথম শুনানিত কৈছিল যে, এনে ধৰণৰ আদেশ জাৰি কৰি উচ্চ ন্যায়ালয়ে কোনো ভুল কৰা নাই ।

কেন্দ্ৰৰ তৰফৰ পৰা ছ'লিচিটৰ জেনেৰেল তুষাৰ মেহতাই ন্যায়ালয়ত যুক্তি দিয়ে যে, আয়ুৰ্বেদিক ঔষধসমূহ ৰোগী প্ৰতিৰোধী ক্ষমতা বৃদ্ধি কৰা ঔষধ হিচাপে ব্যৱহাৰ কৰিব পাৰি, কিন্তু COVID-১৯ নিৰ্মূল কৰাৰ বাবে নহয় । মঙলবাৰেও কেন্দ্ৰই একে যুক্তি দৰ্শায় । আদালতে ছ'লিচিটৰ জেনেৰেলে আগবঢ়োৱা যুক্তিত গুৰুত্ব আৰোপ কৰে যদিও ৰায়দান স্থগিত ৰাখে ।

লগতে পঢ়ক:ফাৰুক আব্দুল্লাৰ ভাতৃৰ বিৰুদ্ধে ভূমি দখলৰ অভিযোগ