আগৰতলা, ২৭ অক্টোবৰ : ভাৰতৰ উচ্চতম ন্যায়ালয়ে (Supreme Court of India) শেহতীয়াকৈ ত্ৰিপুৰা চৰকাৰে (Tripura Government) এজন বন্দীৰ জিম্মাত মৃত্যুৰ ওপৰত ত্ৰিপুৰা উচ্চ ন্যায়ালয়ৰ ৰায়ক প্ৰত্যাহ্বান জনাই দাখিল কৰা এখন Special Leave Petition খাৰিজ কৰিছে(SC rejects SLP of Tripura government ) । সাংবাদিকৰ সৈতে হোৱা বাৰ্তালাপত জ্যেষ্ঠ অধিবক্তা পুৰুষোত্তম ৰয় বৰ্মনে কয় যে উচ্চতম ন্যায়ালয়ৰ এই নিৰ্দেশ ২১ অক্টোবৰত গৃহিত হৈছিল (Custodial death of prisoner in Tripura) ।
তেওঁ কয় যে ত্ৰিপুৰা উচ্চ ন্যায়ালয়ৰ (Tripura High Court) খণ্ড বিচাৰপীঠৰ ৰায় বাহাল ৰাখি শীৰ্ষ ন্যায়ালয়ে ৰাজ্য চৰকাৰক ভুক্তভোগীৰ পৰিয়ালক ১০ লাখ টকাৰ ক্ষতিপূৰণ পৰিশোধ কৰিবলৈ নিৰ্দেশ দিছে । তেওঁ আৰু কয় যে ২০২১ চনৰ ১৪ ছেপ্টেম্বৰত ত্ৰিপুৰাৰ চেপাহিজালা জিলাৰ অন্তৰ্গত সোণামুৰা আৰক্ষী থানাত জামাল হুছেইন (৩২) নামৰ এজন লোকক আৰক্ষীয়ে প্ৰহাৰ কৰি হত্যা কৰিছিল ।
"মৃতকৰ পৰিয়ালৰ সদস্যসকলে অভিযোগ কৰিছে যে জামালে গুৰুতৰভাৱে আঘাতপ্ৰাপ্ত হৈ মৃত্যুবৰণ কৰিছিল । এই আঘাত তেওঁ আৰক্ষীৰ লক আপত অত্যাচাৰৰ বাবে পাইছিল । অৱশ্যে আৰক্ষীয়ে অভিযোগসমূহ নাকচ কৰে আৰু ত্ৰিপুৰা উচ্চ ন্যায়ালয়ক জনায় যে হুছেইনৰ হৃদৰোগত মৃত্যু হৈছিল" অধিবক্তাজনে কয় ।