নেশ্যনেল ডেস্ক, ২৬ জুন: ক্ৰমাৎ জটিল হৈ পৰিছে মহাৰাষ্ট্ৰৰ ৰাজনীতি(Maharashtra political crisis) ৷ একনাথ সিন্দে আৰু 49 জনকৈ বিধায়কৰ বিসম্বাদৰ পাছত বিদ্ৰোহী বিধায়কসকলৰ বিৰুদ্ধে সোঁচ্চাৰ হৈ পৰিছে শিৱসেনাৰ নেতা-কৰ্মী তথা সমৰ্থকসকল ৷ শিৱসেনাৰ তৰফৰ পৰা16 জনকৈ বিদ্ৰোহী বিধায়কৰ বিৰুদ্ধে অযোগ্যতাৰ জাননী জাৰি কৰাৰ কথা ঘোষণা কৰাৰ পাছত শনিবাৰে তেওঁলোকলৈ সৰ্তকবাৰ্তা প্ৰেৰণ কৰিছিল সাংসদ সঞ্জয় ৰাউটে(MLA Sanjay Raut) ৷
দেওবাৰে পুনৰ টুইটযোগে বিসম্বাদী বিধায়কসকলক কটাক্ষ কৰে সাংসদগৰাকীয়ে । টুইটত তেওঁ উল্লেখ কৰে যে গুৱাহাটীত কিমান দিনলৈ তেওঁলোক লুকাই থাকে থাকিব পাৰিব, কিন্তু এদিন নহয় এদিন চৌপাটিলৈ আহিবই লাগিব । সাংসদগৰাকীয়ে টুইটোত বিধানসভাৰ উপাধ্যক্ষ নৰহাৰী জিৰৱালৰ এখন ফটোও শ্বেয়াৰ কৰে । উল্লেখযোগ্য যে শেহতীয়াকৈ এই বিদ্ৰোহী বিধায়কসকললৈ অযোগ্যতাৰ জাননী প্ৰেৰণ কৰিছিল উপাধ্যক্ষই । ইফালে উদ্ধৱ ঠাকৰেয়ে বিদ্ৰোহী বিধায়কসকলক মুম্বাইলৈ আহিবলৈ আহ্বান জনাইছিল । এন চি পিৰ সভাপতি শৰদ পাৱাৰেও কৈছিল যে বিদ্ৰোহী বিধায়কসকল মুম্বাইলৈ আহিবই লাগিব ।