নেশ্যনেল ডেস্ক, 3 ডিচেম্বৰ:বুধবাৰে প্ৰকাশ হোৱা এখন বিভাগীয় বিজ্ঞপ্তিত উল্লেখ কৰা হৈছে যে, ডাক বিভাগে শৱৰীমালাৰ 'স্বামী প্ৰসাদম'ক দেশজুৰি ভক্তসকলৰ মাজত বিলোৱাৰ সিন্ধান্ত গ্ৰহণ কৰিছে ।
'দেশৰ ভক্তসকলৰ প্ৰতি লক্ষ্য় ৰাখি ডাক বিভাগে দেশৰ প্ৰতিটো কোণতে নিজৰ নেটৱৰ্কৰ ব্যৱহাৰ কৰি ভক্তসকলৰ দ্বাৰত শৱৰীমালা মন্দিৰৰ 'স্বামী প্ৰসাদম' বিতৰণৰ বুকিং আৰু পেকেজ বিকশিত কৰিছে' বুলি বিজ্ঞপ্তিখনত উল্লেখ কৰে ।
'কেৰালা ডাক চক্ৰই সেই উদ্দেশ্যে পণ্য তৈয়াৰ কৰাৰ বাবে ট্ৰাভানকোৰ দেৱস্বম বোৰ্ডৰ সৈতে এক চুক্তি কৰিছে । ভক্তসকলে দেশৰ ভিন্ন প্ৰান্তৰ ডাকঘৰত কেৱল 450 টকাৰ বিনিময়তে স্বামী প্ৰসাদম বুক কৰিব পাৰিব । প্ৰতিটো পেকেটত আবাভানা, আদিয়াসিষ্টম নে, বিভুতি, কুমকুম, হালধি আৰু অৰ্চনা প্ৰসাদম থাকিব । এগৰাকী ভক্তই একে সময়তে 10 পেকেট প্ৰসাদ বুক কৰিব পাৰিব' বুলিও বিজ্ঞপ্তিত উল্লেখ কৰা হৈছে ।
স্পীড পোষ্টৰ জৰিয়তে প্ৰসাদ বুক কৰা সকললৈ লগে লগে স্পীড পোষ্টৰ নম্বৰ এছ.এম.এছেৰে অৱগত কৰা হ'ব । ভক্তই ৱেবচাইটত লগ ইন কৰি প্ৰসাদৰ গতিবিধি ট্ৰেক কৰিব পাৰিব ।
লগতে পঢ়ক:জম্মু-কাশ্মীৰৰ ভুল নক্সা প্ৰদৰ্শিত লিংক আঁতৰাবলৈ ৱিকিপেডিয়াক নিৰ্দেশ ভাৰতৰ