নেশ্যনেল ডেস্ক,৩০ ছেপ্টেম্বৰ : ৰামোজী ফিল্ম চিটিৰ (আৰএফচি) ষ্টললৈ যথেষ্ট সঁহাৰি দৰ্শনাৰ্থীৰ । দিল্লীত অনুষ্ঠিত এমআইচিই ২০২৩ ত থকা ৰামোজী ফিল্ম চিটিৰ (আৰএফচি) ষ্টলখনত বহু দৰ্শনাৰ্থীয়ে ভিৰ কৰা দেখা গৈছে । শুকুৰবাৰে অন্যান্য দেশৰ লগতে ভাৰত আৰু ৰাছিয়াৰ মাজত পৰ্যটনৰ প্ৰচাৰৰ বাবে আয়োজন কৰা হয় এই এমআইচিই ২০২৩ । পৰ্যটকসকলে হায়দৰাবাদত অৱস্থিত পৃথিৱীৰ সৰ্ববৃহৎ ফিল্ম চিটিত গোটেই বছৰজুৰি আয়োজন কৰা অনুষ্ঠানবোৰৰ বিষয়ে অনুসন্ধান কৰিবলৈ ষ্টললৈ অহা দেখা গৈছে ।
উল্লেখ্য যে দিল্লীৰ কৰকৰডুমাত অনুষ্ঠিত দুদিনীয়া এমআইচিই ২০২৩ অনুষ্ঠানটো মস্কো মহানগৰ পৰ্যটন সমিতিৰ অধ্যক্ষ ইভজেনি কোজলভে উদ্বোধন কৰে । অনুষ্ঠানটোত আৰএফচি-ৰ প্ৰতিনিধিসকলে পৰ্যটকসকলক আকৰ্ষণ কৰিবলৈ সক্ষম হোৱা হায়দৰাবাদৰ বিখ্যাত ৰামোজী ফিল্ম চিটিৰ বিষয়ে ব্যাখ্যা কৰে । তেওঁলোকে পৰ্যটকসকলক চলচ্চিত্ৰৰ দৃশ্যগ্ৰহণ, বিবাহ, কৰ্পোৰেট সভা আৰু অন্যান্য অনুষ্ঠানৰ উপৰিও আৰএফচিত আয়োজিত বিভিন্ন কাৰ্যসূচীৰ বিষয়েও উল্লেখ কৰে ।
ইটিভি ভাৰতৰ সৈতে হোৱা বাৰ্তালাপত আৰএফচিৰ জ্যেষ্ঠ মহাপ্ৰৱন্ধক (মাৰ্কেটিং) টিআৰএল ৰাৱে কয় যে ৰামোজী ফিল্ম চিটিয়ে পৰ্যটকসকলৰ বাবে বিভিন্ন ধৰণৰ অনুষ্ঠান আয়োজন কৰি আহিছে ।