নিউজ ডেস্ক, 3 ডিডেম্বৰ : বিজেপিৰ এজন নেতা ড৹ ৰমন সিং নিঃসন্দেহে ছত্তিশগড় বিধানসভা নিৰ্বাচনত বিজেপিৰ জয়ৰ মূল সূত্ৰধাৰ ৷ 1952 চনৰ 15 অক্টোবৰত জন্মগ্ৰহণ কৰা ড৹ ৰমন সিং পূৰ্বতে ছত্তিশগড়ৰ মুখ্যমন্ত্ৰী হিচাপে কাৰ্যনিৰ্বাহ কৰিছিল ৷ বৰ্তমান তেওঁ ছত্তিশগড়ৰ মুখ্যমন্ত্ৰী হোৱাৰ এক প্ৰৱল দাবীদাৰ ৷ অভিজ্ঞ প্ৰচাৰক ড৹ সিঙে দুটা কাৰ্যকালৰ বাবে 1990 আৰু 1993 চনত মধ্যপ্ৰদেশ বিধানসভাৰ নিৰ্বাচিত সদস্য আছিল ৷
বৰ্তমান ৰাজনান্দগোৱান বিধানসভা সমষ্টিৰ পৰা 35 হাজাৰৰো অধিক ভোটত জয়লাভ ড৹ ৰমন সিং এজন গণনেতা আৰু প্ৰশাসনৰ ওপৰত তেওঁৰ দখল আছে ৷ নক্সালবাদ প্ৰভাৱিত ৰাজ্যখনত গেৰুৱা দলৰ প্ৰচাৰৰ নেতৃত্ব দিছিল আৰু প্ৰথম দিনাৰ পৰাই বিজেপিৰ জয়ৰ ওপৰত আত্মবিশ্বাসী আছিল তেওঁ ৷ তেওঁ ৰাজ্যৰ চুক-কোণে ব্যাপকভাৱে ভ্ৰমণ কৰি বিজেপিৰ প্ৰাৰ্থীৰ হৈ প্ৰচাৰ চলাইছিল ৷
1999 চনত ড৹ ৰমন সিং ত্ৰয়োদশ লোকসভালৈ নিৰ্বাচিত হয় আৰু 1999 চনৰ 13 অক্টোবৰৰ পৰা 2003 চনৰ 29 জানুৱাৰীলৈ তেতিয়াৰ অটল বিহাৰী বাজপেয়ী নেতৃত্বাধীন চৰকাৰত কেন্দ্ৰীয় ৰাজ্যিক বাণিজ্য আৰু উদ্যোগ মন্ত্ৰী হিচাপে কাৰ্যনিৰ্বাহ কৰে ৷ ইয়াৰ পিছত 2000 চনত অবিভাজিত মধ্যপ্ৰদেশৰ পৰা পৃথক হোৱাৰ পিছত ছত্তিশগড়ৰ ৰাজনীতিত ভৰি দিয়ে সিঙে ৷ প্ৰথমে 2004 চনত আৰু তাৰ পিছত 2008 আৰু 2013 চনত তেওঁ বিধায়ক হয় ৷