নিউজ ডেস্ক, ২ জানুৱাৰী : স্থানীয় বাসিন্দাসকলে সোমবাৰে জম্মু-কাশ্মীৰৰ ৰাজৌৰীৰ ডাংগ্ৰী গাঁৱত (Rajouri Dangri village killing) দেওবাৰে নিশা অচিনাক্ত সশস্ত্ৰ লোকে হত্যা কৰা চাৰিজন নাগৰিকৰ পৰিয়ালক ন্যায় প্ৰদানৰ দাবীত এক প্ৰতিবাদ সাব্যস্ত কৰে (protest in Dangri village in JK) । ৰাজৌৰীৰ ডাংগ্ৰীৰ মেইন চকত বহুসংখ্যক গাঁওবাসী একত্ৰিত হয় আৰু তেওঁলোকৰ দাবীৰ সমৰ্থনত শ্লোগান দিয়ে । প্ৰতিবাদকাৰীসকলে অভিযোগ কৰে যে জিলা প্ৰশাসনে আৱাসীসকলক নিৰাপত্তা দিয়াত ব্যৰ্থ হৈছে আৰু লেফটেনেণ্ট গৱৰ্ণৰ মনোজ সিনহাই (Lieutenant Governor Manoj Sinha) ঘটনাস্থলী পৰিদৰ্শন কৰাৰো দাবী জনায় (protest for demanding justice to Rajouri killings) ।
"জিলা প্ৰশাসন বিফল হৈছে । আমাৰ দাবী হৈছে যে লেফটেনেণ্ট গৱৰ্ণৰ মনোজ সিনহাই ইয়ালৈ আহি আমাৰ দাবীবোৰ শুনিব লাগে ।" এজন প্ৰতিবাদকাৰী স্থানীয় লোকে এনেদৰে কয় । আনহাতে, আৰক্ষীয়ে জনোৱা মতে, প্ৰথমিক অনুমান মতে, দেওবাৰে সন্ধিয়া ৰাজৌৰীৰ ডাংগ্ৰী গাঁৱত হত্যালীলা চলোৱা সশস্ত্ৰ আক্ৰমণকাৰীৰ সংখ্যা দুজন । আক্ৰমণকাৰীয়ে তিনিটা ঘৰত প্ৰৱেশ কৰি চাৰিজন নাগৰিকক হত্যা কৰাৰ উপৰি উক্ত ঘটনাত আন ১০ জন লোক আহত হয় (4 civilians killed in Rajouri) ।
ঘটনাটোৰ খবৰ পোৱা মাত্ৰকে আৰক্ষীয়ে নিৰাপত্তাৰক্ষীৰ সৈতে গাওঁখনত গৈ উপস্থিত হয় আৰু আক্ৰমণকাৰীসকলক ধৰিবলৈ অঞ্চলটো ঘেৰাও কৰে । "আটাইকেইজন আহতৰ চিকিৎসা চলি আছে । আৰক্ষী আৰু জিলা প্ৰশাসন ঘটনাস্থলীত উপস্থিত হৈছে । আহতসকলৰ শৰীৰত একাধিক গুলীৰ আঘাত পোৱা গৈছে ।" ৰাজৌৰীৰ এছ'চিয়েটেড হস্পিটেলৰ (Associated Hospital Rajouri) চিকিৎসা অধীক্ষক ডাঃ মেহমুদে ANI-ৰ আগত এই কথা কয় ।