নেচনেল ডেস্ক, 21 মে’:শুকুৰবাৰে দেশৰ ৰাজধানী দিল্লীৰ সলনি প্ৰতিকূল বতৰৰ বাবে আগ্ৰালৈ ডাইভাৰ্ট কৰা হয় ১১খন বিমান ৷ এই বিমান কেইখনৰ ভিতৰত প্ৰতিৰক্ষা মন্ত্ৰী ৰাজনাথ সিঙৰ বিমানখনো আছিল বুলি জানিব পৰা গৈছে (Rajnath Singhs flight diverted) । সূত্ৰ অনুসৰি, গুজৰাটৰ বদোদৰাৰ শ্ৰী স্বামীনাৰায়ণ মন্দিৰত অনুষ্ঠিত এক অনুষ্ঠানত অংশগ্ৰহণ কৰি জনসমাৱেশত বক্তৃতা প্ৰদান কৰাৰ পিছত প্ৰতিৰক্ষা মন্ত্ৰীগৰাকী পুনৰ দিল্লীলৈ ৰাওনা হৈছিল ৷
সূত্ৰ অনুসৰি , '' দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত অৱতৰণ কৰিবলগীয়া প্ৰতিৰক্ষা মন্ত্ৰী ৰাজনাথ সিঙৰ বিমানকে ধৰি কমেও ১১খন বিমান বতৰৰ প্ৰতিকূল পৰিস্থিতিৰ বাবে আহমেদাবাদ, জয়পুৰ, লক্ষ্ণৌ আৰু আগ্ৰালৈ ডাইভাৰ্ট কৰা হয় " (Rajnath Singh's flight diverted to Agra due to bad weather) ৷