চিকিৎসক,নাৰ্চসকলক 'চুপাৰমেন' আখ্যা ৰাজনাথ সিঙৰ

সন্মুখৰ পৰা যুঁজ দিয়া ক'ভিড চিকিৎসক, নাৰ্চ আৰু অন্যান্য চিকিৎসা কৰ্মী সকলক 'চুপাৰমেন' আখ্যা দি কৃতজ্ঞতা জ্ঞাপন কৰিলে দেশৰ প্ৰতিৰক্ষা মন্ত্ৰী ৰাজনাথ সিঙে ৷ এক ভিডিঅ' কনফাৰেন্সৰ জৰিয়তে লখনৌ কিং জৰ্জ চিকিৎসা বিশ্ববিদ্যালয়ৰ এক অনুষ্ঠানত ভাষণ দি এই মন্তব্য প্ৰকাশ কৰে ৰাজনাথ সিঙে ৷

নিউজ ডেস্ক, 23 ডিচেম্বৰ:ক'ৰণা ভাইৰাছৰ পৰিস্থিতিত সন্মূখৰ পৰা যুঁজ দিয়া ক'ভিড চিকিৎসক, নাৰ্চ আৰু অন্যান্য চিকিৎসাকৰ্মী সকলক 'চুপাৰমেন' আখ্যা দি কৃতজ্ঞতা জ্ঞাপন কৰিলে দেশৰ প্ৰতিৰক্ষা মন্ত্ৰী ৰাজনাথ সিঙে ৷ এক ভিডিঅ' কনফাৰেন্সৰ জৰিয়তে লখনৌ কিং জৰ্জ চিকিৎসা বিশ্ববিদ্যালয়ৰ এক অনুষ্ঠানত ভাষণ দি এই মন্তব্য প্ৰকাশ কৰে ৰাজনাথ সিঙে ৷

তেওঁ কয়,ক'ভিড সংকটৰ পিছত প্ৰতিজন লোকেই বুজি পাইছে ক'ভিডৰ এই যুঁজ খনত প্ৰকৃত 'Superman' আৰু 'Wonder Woman' কোন ? আমাৰ 'Superman' আৰু 'Wonder Woman' হৈছে চিকিৎসক, নাৰ্চ আৰু পেৰামেডিকেল কৰ্মচাৰী সকল ৷ আজিৰ এই শুভ ক্ষণত তেওঁ লোকলৈ আন্তৰিক কৃতজ্ঞতা জ্ঞাপন কৰিছে বুলিও মন্তব্য প্ৰকাশ কৰে ৰাজনাথ সিঙে ৷

লগতে প্ৰতিৰক্ষা মন্ত্ৰীগৰাকীয়ে কয়, ক'ৰণা ভাইৰাছৰ বিৰুদ্ধে যুঁজ এতিয়াও শেষ হোৱা নাই । ইতিমধ্যে ব্ৰিটেইনত নতুন ক'ৰণা ভাইৰাছে পুনৰ আতংকৰ সৃষ্টি কৰিছে ৷ গতিকে সকলোকে সতৰ্ক থাকিবলৈ আহ্বান জনাই বিশ্বৰ সকলো লোকৰ বাবে টিকাকৰণৰ ব্যৱস্থা নোহোৱালৈকে এই যুঁজ খন অব্যাহত থাকিব বুলি মত প্ৰকাশ কৰে ৰাজনাথ সিঙে ৷

ইফালে, অতি কম সময়ৰ ভিতৰত ভাৰতীয় বিজ্ঞানী সকলে কভিড-19 ৰ ভেকচিন পৰীক্ষা কৰিব বুলি আশ্বাস প্ৰদান কৰে মন্ত্ৰীগৰাকীয়ে ৷ তেওঁ কয়, যেতিয়াই দেশত ভেকচিন তৈয়াৰ হ'ব তেতিয়া এই ভেকচিন প্ৰথমে চিকিৎসক, পেৰামেডিকেল কৰ্মচাৰী আৰু স্বাস্থ্য কৰ্মীসকলক প্ৰদান কৰা হ'ব ৷

উল্লেখ্য যে, দেশত ক্ৰমাৎ হ্ৰাস পাবলৈ আৰম্ভ কৰিছে ক'ৰণাত আক্ৰান্ত ৰোগী সংখ্যা ৷ কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰণালয়ে প্ৰকাশ কৰা তথ্য অনুসৰি যোৱা 24 ঘণ্টাত দেশত ক'ৰণা আক্ৰান্ত হৈছে 19,556 জন লোক ৷

লগতে পঢ়ক:বিতৰ্কত জ্যেষ্ঠ সাংবাদিক মৃণাল তালুকদাৰঃ ৰাইজে দাহ কৰিলে প্ৰতিকৃতি